Таулу тиширыула башларына, юйлерине, юйюрлерине не заманда да къаты болгъандыла. Бюгюн-бюгече да ма алай барады. Аллайладан бири Огъары Малкъарда ёсген Бичиланы Хусейни къызы Баблинады. Бюгюнлюкде назик тиширыу, республикада атлары айтылгъан эр киши предпринимательледен артха къалмай, ишин, бир адам да чурум табалмазча, тынгылы бардырады. Нальчикде «Ласточкино гнездо» деген тюкенлени талайына да ол башчылыкъ этеди. Бюгюн ол бизни ушакъ нёгерибизди.