Право

Право низамны сакълаучулагъа телефон бла хыйлачылагъа кеслерин алдатхан инсанладан тарыгъыула кюн сайын келедиле. РФ-ни СК-сыны КъМР-де следствие управлениясындан бизге билдиргенлерича, телефон бла хыйлачылыкъ этгенле усталыкъларын ёсдюргенлей, жангы амалланы хайырланнганлай турадыла.

Жер участок бошуна тургъаннга къачан саналады эмда аны иесини бу жаны бла къаллай борчлары бардыла – аны юсюнден Росреестрни Къабарты-Малкъарда бёлюмюню башчысыны орунбасары Кючмезланы Мариям эмда республиканы жер эм ырысхы бла байламлы халланы министрини экинчиси Екатерина Егорова айтхандыла.

Адамны гаражы бар эсе, анга эмда ол орналгъан жерге эркинликни 2031 жылда 1 сентябрьге дери жарашдырыргъа жарайды. Аны бла «гараж амнистияны» болжалы энтта да беш жылгъа созулгъанды, деп билдиргендиле Къабарты-Малкъарда МФЦ-да.

Бу кюнледе къырал автоинспекцияны келечилери Россей МВД-ны «Баксанский» муниципалитетле  аралы бёлюмюню акъылбалыкъ болмагъанланы ишлери жаны бла инспекторлары бла бирге Заюково элде «Атажукино» жай лагерьде тургъан  сабийлеге  бла акъылбалыкъ болмагъанлагъа деп жолда жюрюуню къоркъуусузлугъуну юсюнден «Жорукълагъа кёре жаша» деген юйретиулени бардыргъандыла.

Россейни Къоркъуусузлукъну федерал службасыны КъМР-де Управлениясыны келечилери 51-жыллыкъ нальчикчини бузукълугъун тохтатхандыла.  

Бу кюнледе Чегем районда киеу жёнгерни къауумунда болгъан жаш адамланы къаууму Экинчи Чегем элни ара орамында жолда жюрюген жорукъланы бузуп, бирси улоуланы жолларын тыйгъандыла, деп билдиредиле КъМР-де МВД-ны пресс-службасындан.

Россейни Къырал Думасыны шёндюгю чакъырылыууну депутатлары 2022 жылдан бери энчи аскер операциягъа къатышханлагъа бла аланы юйюрлерине къырал болушлукъ жаны бла 183 законну жарашдырып, къабыл кёргендиле.

КъМР-де МВД-ны Къырал автоинспекциясыны ишчилери, МВД-ны Урван районда акъылбалыкъ болмагъанланы ишлери жаны бла (ПДН) бёлюмюню инспекторлары бла бирге Нарткъала шахарны сабий майданчыкъларында эмда скверлеринде ангылатыу жумуш тындыргъандыла, дегендиле КъМР-де МВД-ны пресс-службасында.

МВД-ны Май районда бёлюмюню келечилери, автоинспекторла бла бирге Майский шахарда Гагарин атлы орамда бара тургъан «Лада Гранта» улоуну тыйгъандыла. Аны ичинде олтургъанладан бири ары дери да жазагъа тартыла тургъан ол жерли 38-жыллыкъ киши эди.

КъМР-де МВД-ны «Прохладненский» бёлюмюне талай аптеканы, медицина клиниканы эмда тюкенни ишчилеринден заявленияла келгендиле. Ала бары да айтханларына кёре, бир эркегырыу ахчаны бузгъан сылтау бла аланы барындан да 54 мингден артыкъ сом къымгъанды.