Право

Россейни ФСБ-сыны КъМР-де Управлениясыны келечилери Ространснадзорну Шимал-Кавказ федерал округда бёлюмюню къуллукъчулары бла бирге «Южный» автовокзалны таматасыны терслик ишин тыйгъандыла. 

Россейни ФСБ-сыны КъМР-де Управлениясыны къуллукъчулары, полициячыла бла бирге, терроризмге къажау  излеу-тинтиу жумушла бардыргъан кезиуде 48-жыллыкъ нальчикчини аманлыкъчы ишин тохтатхандыла.  

Россейни ФСБ-сыны КъМР-де Управлениясыны къуллукъчулары, полициячыла бла бирге, излеу-тинтиу жумушла бардыргъан кезиуде Нальчикни инсанын чачдырыучу затланы законсуз сатыу-алыу бла кюрешгенине ишекликде тутхандыла. 

Наркотиклени законсуз сатыу-алыугъа къажау тинтиу-излеу жумушла толтургъан кезиуде Россейни ФСБ-сыны КъМР-де Управлениясыны къуллукъчулары республикагъа башха регионладан ууну ташыуну къураргъа кюрешген эки инсанны аманлыкъчы ишлерин тыйгъандыла. 

КъМР-де Ич ишле министерствода «Ёлюм къайда сатылгъанын билдир» акцияны биринчи бёлюмю толтурулгъанды. Аны чеклеринде билим бериу организациялада юч мингнге жууукъ тюбешиуле бла жыйылыула бардырылгъандыла. Алагъа 65 минг окъуучу бла аланы ата-аналары къатышхандыла. 

Республикабызны Курортла эм туризм министерствосунда Къабарты-Малкъарны Прокуратурасыны келечиси Улбашланы Фатиманы къатышыуу бла жыйылыу болгъанды. Анда хайыр, къоранчла, мюлк жумушла  бла байламлы соруулагъа къаралгъанды.

Россейни МВД-сыны Зольск районда бёлюмюне 47-жыллыкъ эр киши тарыгъып келгенди. Ол билдиргенича, бир ненча кюн алгъа анга  танымагъан биреу сёлешип, Роскомнадзорну къуллукъчусу болгъанын, аманлыкъчыла аны банкда счётунда болгъанын  урларгъа умут этгенлерин айтханды.

 РФ-ни законларына тийишлиликде, биреуню алдап, неда ышандырып, аны  ырысхысын урлагъан   РФ-ни УК-сыны 159-чу статьясына кёре   уголовный жууапха тартылады. Болсада   хыйлачыла, шёндюгю технологиялагъа базынып, адамланы, асламында уа  тамата тёлюню келечилерин, алдап, ахча къоллу боладыла. 

Россейни ФСБ-сыны КъМР-де Управлениясында къуллукъ этгенле борчларын толтургъан кезиуде ёкюлню хыйла ишин тохтатхандыла. Ол  улутханы инсандан жумушну толтурлукъ адамгъа ётдюрюрге болушургъа хазырланнганына ишеклик барды. 
 

Бирде полициячыла къуллукъларын толтургъан кезиуде аланы ишлерине ыразы болмагъан инсанлагъа тюбейдиле. Бир къауумла  право низамны сакълаучу органланы келечилерини законлу буйрукъларын толтурмазгъа эркин болгъан сунадыла кеслерин. Башхалары уа полициячылагъа хыны этерге, намысларын тюшюрюрге кюрешедиле.