Экономика

КъМР-ни Къурулуш эмда  жашау журт-коммунал мюлк министерствосундан билдиргенлерича, былтыр ишлеп башлагъан   "Коммунал инфраструктураны жангыртыу"  федерал проектге кёре, жылны ахырына дери  таза суу бла жалчытырча иги кесек жумуш тамамланнганды.

Шимал Кавказ федерал округда гитче эмда орта бизнес бла кюрешгенле МСП Корпорацияны Миллет гарантияла системасыны хайырындан былтыр 42,6 миллиард сом къоллу болгъандыла. Буруннгу жыл бла тенглешдиргенде ол жети процентге кёбюрекди, дегендиле Къабарты-Малкъарны Экономиканы айнытыу министерствосунда.

Россейни  Социал фондуну тергеулерине кёре, быйылны январь айында къыралны регионларында тёленнген пенсияланы араларында башхалыкъ 23 327 сомгъа жетгенди. Башхача айтханда, бир-бир регионлада пенсиячыла 23 минг сомгъа кёп  аладыла.

Предприятияла бла организацияла 223-ФЗ законну излемлерин толтура, къырал берген ахчагъа кеслери иш къурап къармашханладан былтыр саулай Россейде 48,3 миллиард сом багъасына абериле сатып алгъандыла. Буруннгу жыл бла тенглешдиргенде, ол тёрт кереге кёп окъуна болгъанды. Этилген келишимлени саны уа ючден бирине кёбейип, онеки мингден атлагъанды.

Быйыл Къашхатауда  «Къабарты-Малкъарны транспорт системасын комплекс халда айнытыу» программагъа кёре 3,5 километр чакълы бирде  автомобиль жоллагъа тынгылы ремонт этилликди.

Бу кюнледе Баксан шахарда штанганы жингириклени бюгюп кёкюрекге дери кётюрюуден «Шимал Кавказны кубогу» деген ачыкъ турнир бардырылгъанды. Анга Нальчикни 33-чю номерли школуну окъуучусу Аппайланы Эмиль да къатышханды. Ол 13-19- жыллыкъланы къауумунда 82,5 килограмм ауурлукъда эришгенди.

Муниципал бюджетлеге турист налогдан тюшген файданы тергеуде Къабарты-Малкъар Россейде алчы 10 регионну санына киргенди, аны юсюнден республиканы Курортла эм туризм министерствосундан билдиргендиле.

Кёп болмай КъМР-ни Транспорт эмда жол мюлк министри  Аслан Дышеков Регионнга оноу этиу арада (ЦУР) тюзюнлей эфирде ведомствону ишини юсюнден хапарлагъанды эм  жамауатны жарсытхан соруулагъа да жууапла бергенди.

Кёп болмай  Москвада "Конгресс-центрде" Къырал эм муниципал жумушланы тамамлагъан араланы   IX битеуроссей форумлары болгъанды.  Ол РФ-ни Экономиканы айнытыу министерствосу бла Москваны  Правительствосу къурап бардырылгъанды. 

Кёп болмай  Чегем районда  жоллагъа тынгылы ремонт этиу жаны бла программаны эсеплегендиле эм быйыл тамамланырыкъ жумушланы да белгилегендиле. Эсге сала айтсакъ, аны баш борчу адамланы болумларын игилендириргеди.