Къутхарыучула бла хайырлы ушакълаРоссейни МЧС-ини республикада Баш управлениясы «Мени къоркъуусуз каникулларым» деген акцияны чегинде «Намыс» сабий реабилитация арада профилактика иш бардыргъандыла. Ара юч майданнга бёлюннгенди. Биринчисинде министерствону келечилери къоркъуусуз жашау бардырыуну эм табийгъатда хата чыкъмазча къалай солургъа кереклисини юсюнден дерс бергендиле. Инспекторла сабийлеге от бла ойнаргъа нек жарамагъанын, МЧС-ни 101 номер бла къалай чакъырыргъа кереклисин ангылатхандыла. Суулада адамланы къоркъуусузлукъларын жалчытыу жаны бла инспекторла уа черекледе, кёлледе жуууннганда жорукъланы эсгертгендиле эм информация китапла юлешгендиле, ушакъла бардыргъандыла. Эм сейир а от ёчюлтюу-къутхарыу техниканы кёргюзтген майданда болгъанды. От ёчюлтюучюле гитчелеге къалай ишлегенлерини юсюнден хапарлагъандыла, энчи техника бла шагъырейлендиргендиле. Алай бла сабийле кюнлерин зауукълу ётдюргендиле, кёп жангы билим да алгъандыла.
Поделиться:
Читать также:
24.04.2024 - 09:13 →
Халкъ бла байламлы магъаналы жумушха уллу кёллю болмайыкъ
23.04.2024 - 09:09 →
Миллетни къыраллыгъын белгилейди
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
|