Спорт

Республиканы Спорт министерствосундан  билдиргенлерине кёре, бу кюнледе Нальчикде эр кишилени бла тиширыуланы араларында тёрели шахматладан республиканы чемпионаты бардырылгъанды. Анда  68 шахматчы  кесин сынагъанды.

27-28 июньда «Гладиатор» спорт комплексде, Занкишиланы Казбекни хурметине аталып, 18 жыллары толмагъан дзюдочуланы араларында бардырылгъан битеу Россей эришиулени кезиуюнде аны къурагъанладан бири Черек районну администрациясыны башчысыны орунбасары Уяналаны Азретден хапар билгенбиз.

 Къабарты-Малкъарны Спорт министерствосу республиканы дартс-дан федерациясы бла бирге «Атажукино» сабий-саулукъ кючлеу арада эришиуле бардырылгъандыла. Алагъа ич органлада эсепде тургъан 150 акъылбалыкъ болмагъанла къатышхандыла.

Къол тюйюшден республика, округ, къырал даражалы эришиуледе бабугентчи Герийланы Руслан хорлагъанланы къауумуна дайым киргенлей тургъанды. Ол угъай, сермешлерин болжалдан алгъа хорлам бла аз кере бошамагъанды. Бийик усталыгъы, хорламгъа итиниулюгю ахшы эсеплеге да келтиргенди – анга Россейни спортуну устасы деген ат берилгенди, бусагъатда ол сабийлени жарау этдиреди. Бизни бла ушагъында ол спортха къалай келгенини, адамлада къаллай шартланы багъалагъаныны, муратларыны юсюнден айтханды.

Гузеланы Зурият спорт бла жети жылында кюрешип башлагъанды, алгъа атасы бла анасы аны спорт гимнастикадан секциягъа берген эдиле, анда бир жыл жарау этгенди. Алай школгъа жюрюп башлагъанлай, спортну къойгъанды, аны ючюн артда бираз сокъураннган да этгенди. 

Дзюдочу Гайыланы Омар 2003 жылда Гайыланы Зейтунну бла Мариямны юйюрлеринде туугъанды, дзюдо бла он жылындан бери тренерле Дмитрий Ивановда бла Анзор Апхудовда кюрешеди. Спортну бу тюрлюсюн Омар бошдан сайламагъанды - атасы кеси заманында дзюдогъа жюрюгенди, артда уа залгъа жашын да келтиргенди.

Республикабызны Спорт министерствосуну МАХ-да каналында билдириуге кёре, 7 июльгъа дери «Россейни кючю» деген марафонну чегинде «Россейни эм иги спорт юйюрю» эришиу къуралады, аны мураты башха-башха жыл санда адамланы саулукълу жашау бардырыргъа кёллендириудю.

Бу кюнледе Ноябрьск шахарда ауур атлетикадан Россейни биринчилиги ётгенди. Ол 15-23 жыллары толгъан спортчу жашланы бла къызланы араларында бардырылгъанды. Ары Россейни 41 субъектинден 200 гёжеф къатышханды, деп билдиредиле КъМР-ни Спорт министерствосундан. 

Грозныйде дзюдодан СКФО-ну чепионатыны эсеплери чыгъарылгъандыла. Республиканы Спорт министерствосундан билдиргенлерине кёре, 90 килограммгъа дери ауурлукъда майдалланы барысын да республикабызны келечилери алгъандыла.

Бу кюнледе Чегемни физкультура-саулукъну кючлеу арасында аскер самбодан регионла аралы эришиу бардырылгъанды. Анга округну субъектлеринден умутландыргъан  спортчуланы иги кесеги  къатышхандыла.