|
|
Все статьи
28 мая, 2021 - 08:11
Хар миллетни да тамблагъы кюнюн къурагъан жаш тёлюсюдю. Таулу халкъда уа умутландыргъан жашла бла къызла, айхай да, бардыла. Ала маданиятда, илмуда, спортда жетишимлери бла атларын айтдырадыла. Аллай уланларыбыздан бири дзюдочу Гайыланы Омарды.
28 мая, 2021 - 08:10
1937 жылны март айында лыжала бла Элбрусну тёгерегин къыдырып чыгъыу биринчи кере бардырылгъанды. Анга Къабарты-Малкъарны альпклубуну инструктору Всеволод Каплуненко (жолоучулукъну таматасы), Пионерлени республикалы къаласыны туризм бёлюмюню таматасы Андрей Петров, туризмни бла альпинизмни инструкторлары Иван Леонов, Николай Салихов, Аркадий Рожновский, Антонина Колексникова, Тёбен Бахсандан колхозчу Ачабайланы Дуут, Къашхатаудан орта школну устазы Уяналаны Чомай, аш бишириучю Иван Овчинников къатышхандыла.
28 мая, 2021 - 08:02
Сабийлери болгъан юйюрлеге тийишли пособияланы юслеринден «Комсомольская правда» газетни корреспондентине Россейни Социал страхование фондуну специалистлери айтхандыла.
26 мая, 2021 - 16:40
КъМР-ни 100-жыллыгъына
Совет Союзну Жигити Байсолтанланы Алимин эгечини жашы Мызыланы Таубий ахыр 30 жылны батыр жууугъуну жашауун, аны урушда тарыхын тинтиу бла кюрешеди. Ол Москвада, Ленинградда, Подольскда, Ейскде да болуп, кёп шартла жыйышдыргъанды, ала уа «Алим Байсултанов – легенда Балтики» деген сейир китапда басмаланнгандыла.
Биз Таубий бла китапны жазып башларгъа ким кёллендиргенини, Алим къаллай адам болгъаныны эм кёп башха затланы юслеринден ушакъ бардыргъанбыз.
26 мая, 2021 - 16:35
1 апрельден башлап, Россейде машинаны жюрютюрге эркинлик бериуню низамы тюрленнгенди. Энди праволаны алыргъа сюйгенле автодромда экзамен берлик тюйюлдюле. Къырал автоинспекторла автошколну бошагъанла машинаны шахарда къалай жюрюте билгенлерин сынарыкъдыла.
26 мая, 2021 - 16:32
Бир тюрлю сылтау бла борчха ахча излерге, берирге да тюшеди. Алай аны артха алгъан а бир-бирде къыйын болуучуду, бютюнда сёз уллу ахчаны юсюнден бара эсе. Аны ючюн юристле борч бергенде, расписка жарашдырыгъыз деп юйретедиле. Къаллай кезиуледе расписканы юридический кючю болгъаныны, аны къалай жазаргъа кереклисини юсюнден бизге юрист Азамат Тохов айтханды.
26 мая, 2021 - 16:30
Сбербанкдан эсгертгенлерине кёре, аманлыкъчыла организацияны къоркъуусузлукъ бёлюмюню ишчилерибиз деп, адамлагъа сёлешедиле эм ахчаларын урлайдыла. Ала банк сизни картагъыз бла ишеклик туудургъан операцияла этилгендиле деп, аны юсюнде жазылгъан данныйлени бла артында къоркъуусузлукъну кодун, сора ийген смс-леринде келген тарихлени айтырыгъызны тилейдиле. Сёлешген адам бу информацияны излегенлей, мычымай, телефонну салып къойсагъыз игиди. Инсан хакъсыз объявлениялада атын бла телефон номерин къойгъан эсе, хыйлачыла алыучуну атындан сёлеширге да боллукъдула.
26 мая, 2021 - 16:28
Кёп болмай Нальчикде балетден «ARMONIA» деген школ ачылгъанды, ол Экинчи Таманский дивизияны орамында 31-чи номерли юйде «Кюнлю шахарны» къатында орналыпды. Аны башламчысы Роксана Ардашаевады.
26 мая, 2021 - 16:23
Олимпиаданы чемпионаларын саугъалау бурун заманлада да тёре болгъанды. Аланы толу ёсюмлерине мермерден эсгертмеле ишленнгендиле, жумушлары хакъсыз жалчытылыннгандыла, театрлада эм иги жерле берилгендиле.
26 мая, 2021 - 16:20
– Элге душман кирип келеди деп эшитген кюнюбюз бюгюнча жарыкъ тюйюл эди. Къайдан жарыкъ болсун, кюз арты эди сора, октябрь ай, мутхуз, аз шулпу да эте, – дейди Фаризат, терезеге кёз ата. – Элни баш жанындан кирген эдиле…
Башха кюнледе аны юсюнден эсгерирге сюймесе да, Хорлам кюнюнде уа къайтыучуду Фаризат келген жолларына. Уллу Ата журт урушха дери, къырал ийип, узакъ Хабаровскда докторгъа окъуп къайтхан къызладан эди ол. Нальчикде жашап тургъанды. Душман жетип келеди дегенлеринде уа, элине келип, ата юйюнде орналгъан эди. Барлыкъ эди ол да урушха, къолунда къагъанагъы болмаса.
26 мая, 2021 - 16:12
Жазаланы Къасым бла Беппайланы Чилле эки жаш бла юч къыз ёсдюре Чегем ауузунда Кам элинде тынч-ырахат жашай эдиле. Сабийле да ёсе, алагъа къарай, ата-ана да къууана. Ахшы муратла да алда.
26 мая, 2021 - 15:23
Бу сейир материалны автору Улбашланы Саниятды. Бизни газетде аны ишлери басмалана туруучудула. Ала окъуучулагъа сейир кёрюннгенлери себепли бюгюннгю номерибизде да тау адетлени юсюнден аны жазгъан затларын басмалайбыз.
Мени анам Гергъокъланы Хажимырзаны къызы Хазинер: «Жaшayлу адамла бизни тёгереклерине олтуртуп, ма былай айтыучу эдиле», - деучюдю. - Эсимдегин айтайым:
- Къыз тиширыугъа харх этип неда эки къолун бир бирине уруп кюлген бек айыпды. Аллай къыз ыспассыз болады;
26 мая, 2021 - 15:22
Хапар
Жолоучулукъда болса, адам жол нёгерине жюрегиндегин, башхагъа айталмай тургъанын тёкгени тёре болуп къалгъанчады. Алай бла адам къадар жюгюнмю женгил этеди, оюмларынмы тазалайды – ким билсин. Жол кесгенни шартларындан бириди ол. Аллай болумда кесим, тынгылауну басып, не журналгъа, не газетге къарап келирге бек сюйюучюме. Болсада бир гитче купеде турсанг поездде, къайры къачарыкъса?
26 мая, 2021 - 15:22
Социал пенсиялагъа индексация, тютюнлени багъаларын тохташдырыуну низамы, товарлагъа маркаланы салыу – жылны аллындан бери кючюне къаллай законла киргендиле.
1 апрельден социал пенсиялагъа 3,4 процентге индексация этилгенди. Бу ахча ишчи стажы жетмей, страховой пенсия алмагъан инсанлагъа, сакъатлагъа тёленнгенин белгилерчады.
Индексация пенсиячыгъа жашау этерге жетерик ахчаны эки жылны ичинде ёлчемине кёре саналады. Алай бла ахча къошулгъандан сора социал пенсия къыралда орта эсеп бла 10 183 сом болгъанды.
26 мая, 2021 - 15:20
Жайны аллында кёпле къарыусуз болгъанларын сезедиле. Къалай къайтарайыкъ кючюбюзню? Аны юсюнден врач Рахайланы Людмила айтады.
-Ёсюуню жалчытхан витаминле къайдадыла, сабийлени ашларын къалай къураргъа керекбиз? Сора таркъайгъан кючюбюзню алгъын даражасына къалай жетдирейик?
21 мая, 2021 - 17:15
Ёмюр бла жарым жыл мындан алгъа 1817—1864 жыллада бардырылгъан Кавказ урушну бушууу бюгюн да унутулмагъанды. Хар жылдан да адыгла жашагъан жерледе, ол санда тыш къыраллада да, 21 майда ол къазауатда жоюлгъанланы эсгериуню кюню белгиленеди.
21 мая, 2021 - 16:55
Монополиялагъа къажау федерал службаны КъМР-де Управлениясында, «Иш кёллю Россей» организацияны Жаш тёлю бизнес-школуну окъуучуларына «Антимонопольная служба на страже бизнеса» деген темагъа мастер-класс бардырылгъанды бу кюнледе.
Ведомствону башчысы Казбек Пшиншев, конкуренцияны эмда предпринимательлени къоруулау службаны баш борчу болгъанын чертгенди. Андан сора да, ведомство не бла кюрешгенин туура этгенди.
21 мая, 2021 - 16:50
Ново-Ивановское элде анда эски школ эрттеден да тозурагъан эди. Жангы мехкемени уа элни ортасында ишлей турадыла. Май районну администрациясындан билдиргенлерине кёре, объектни къурулушун быйыл биринчи сентябрьге бошаргъа дейдиле.
21 мая, 2021 - 16:40
Озгъан айны аллына Къабарты-Малкъарда хайырланыучула банклада тутхан ахчаны ёлчеми 53,7 миллиард сомгъа жетгенди. Былтырны бу кезиуюнде кёрюмдю бла тенглешдиргенде, ол 5,6 процентге кёбейгенди, деп билдиргендиле РФ-ни Банкыны республика бёлюмюнден.
Финанс учрежденияда айтханларыча, ёсюм асламысында организацияланы эмда предпринимательлени счётларында ахча кёбейгени бла байламлыды. Анга дагъыда эскроу-счётла да къошумчулукъ этгендиле.
21 мая, 2021 - 16:31
Кюз арты къызыл, сары бояуларын къызгъанмай, кёз туурадагъы агъач бетни алай ариу жасагъаны къууандырады Тамараны. Ол Ала-Таудан келген салкъын хауаны эркин тогъуй, юйден тёбен шауданчыкъгъа тюшеди. Суу юйге быргъы бла келгенликге, андан келтиреди суу. Сора аны чайникге къуюп, отха салады. Тюз ол заманчыкъда тюшюрюучюдю хар заманда да жашыны: «Мындача татыулу суу бир жерде да жокъду», – деп къууаныучусун. Энди ол уллуду, кеси юйюр къурап жашайды шахарда. Алай болмаса, ичирир эди анасы анга бюгюн дугъума чай.
Страницы
|
