Ракетомоделированияны сейир дуниясындаТырныаууз шахарда ракетомодель спорт жаны бла республикалы эришиуле къуралгъандыла, ала белгили алим, Илмуланы Россей академиясыны академиги Энейланы Магометни жашы Тимурну хурметине жораланнгандыла. Эришиу ракеталаны тёрт даражалы тюрлюлеринден бардырылгъанды. Къатышханла уа Элбрус, Чегем, Урван эм Терк районладан алты команда болгъандыла. Ахшы эсеплени Элбрус районда Сабийлени бла жаш адамланы чыгъармачылыкъларын айнытыу Мокъаланы Магометни атын жюрютген араны «Ракетомоделирование» сабий биригиуюнде юйреннгенле кёргюзтгендиле. Энчи зачётда модельлени башха-башха классларында хорлагъанла бла призёрла Балаланы Саид, Иван Резниченко, Тебердиланы Аскербий, Теммоланы Марат, Ёзденланы Арсен, Ёзденланы Тамирлан болгъандыла. Сабий биригиу аны таматасы Гуданаланы Юрислан бла бирге команда зачётда биринчи эм экинчи жерлени алгъандыла.
Поделиться:
Читать также:
22.05.2024 - 17:40 →
Жаш каратечилеге – ахшы сынау
22.05.2024 - 17:11 →
Евразияны кубогунда – эм кючлюле
20.05.2024 - 17:47 →
Биринчиликде, чемпионатда да – алчыланы санында
16.05.2024 - 13:22 →
Терк район – биринчи жерде
16.05.2024 - 13:20 →
Спартакиадада сермеширге эркинликни къоруулагъандыла
|