|
Все статьи
2 апреля, 2024 - 09:05
Больницаны кенг арбазында кюз арты иелик этеди. Терекле, бет алышындыргъанларына кеслери да ийнаналмай тургъанча, сериуюн аязчыкъда билинир-билинмез ары-бери бюгюле, хапар айтадыла бир бирге. Биз да аланы тюплеринде салыннган узун шинтикде олтурабыз.
1 апреля, 2024 - 16:19
Къабарты-Малкъарны Регионнга оноу этиу жаны бла арасы (ЦУР) республиканы инсанлары бла власть органланы арасында байламлыкъны жалчытырча эм чыкъгъан соруула къысха заманда тамамланырча ишни тири бардырады.
1 апреля, 2024 - 15:44
Хауа болумланы терк тюрлениулери эм иммунитетни къарыусузлугъу саусузланы бютюнда кёп этеди. Жауун тюбюнде салкъынлыкъсыз айлансагъыз, аякъларыгъызны жибитсегиз, автобусну сакълап, сууукъ шинтикде къауум заманны олтурсагъыз, сёзсюз, сизге жаз башы ауруула терк окъуна жабышырыкъдыла.
1 апреля, 2024 - 15:43
Минги тауда «Шуёхлукъну кёпюрлери» деген ючкюнлюк турист-патриот слётха Къабарты-Малкъардан, Ставрополь крайдан бла Къарачай-Черкесден 80-ден аслам окъуучу къатышхандыла. Проектни бардырыугъа «Биринчилени атламлары» битеуроссей жаш тёлю къымылдауну келечилери да къошулгъандыла.
1 апреля, 2024 - 15:22
Озгъан айда РФ-ни Президентин сайлау бла байламлы юч кюнню ичинде бардырылгъан айырыула Владимир Путинни даражасы бийикде болгъанын аны бир заманда да болмагъанча уллу хорламы кёргюзтгенди. Арсарсыз, ол кёрюмдю къырал башчыбыз жанлы бол-гъанланы саны иги да кёбейгенини эмда жамауат аны тёгерегинде бирикгенини белгисиди.
1 апреля, 2024 - 15:21
Жаш тёлюбюз не жаны бла да жетишимли бола, окъууда, ишде да кеслерини атларын иги бла айтдырсала, ол шартха биз барыбыз да къууанабыз эмда кёлленебиз. Бюгюнлюкде билим бериуде болгъан тюрлениулени себепликлеринден аланы къыралыбызны жер-жерлеринде билим алыр онглары да барды. Танг кесеги уа ара шахарыбызны бийик окъуу юйлерине киредиле. Аладан бири уа Къулийланы Имранды.
1 апреля, 2024 - 15:20
Бу битимни багъыу жаны бла хайырлылыгъын билмеген адам хазна табылсын. Россейли алимле бир къауум тинтиулени бардыргъандан сора быллай оюмларын билдиргендиле: жангы сарымсах аны къурутулгъан эм ашарыкъгъа къошулгъан тюрлюлеринден эсе кёп да хайырлыды. Жюрекге уа бу битимни жаланда жаш заманында хайырланылгъаны къыйматлы болушады.
1 апреля, 2024 - 14:30
Къабарты-Малкъарны Жамауат палатасында «тёгерек столда» психикаларында энчиликлери болгъан адамланы реабилитацияларын бардырыуда саулукъ сакълау, социал къорууланыу учрежденияланы эм коммерциялы болмагъан организацияланы (НКО) араларында байламлыкъла тохташдырыуну юсюнден айтылгъанды.
1 апреля, 2024 - 14:12
Кеслери алларына къалгъан гитче сабийлени къоркъуу хар жерде да сакълайды. Сирнекле неда башха къабындырыучу затла бла ойнау, бузукълукълары болгъан электроприборланы хайырланыу, розеткалада къалгъан зарядкала – ала барысы да къыйын болумгъа келтирирге боллукъдула. От тюшгенде уа ала кёбюсюнде, къоркъуп, ундурукъ тюбюне неда отоуну мюйюшлерине бугъунадыла.
1 апреля, 2024 - 13:00
Къабарты-Малкъарда эллени айнытыу, алада жашагъанланы болумларын игилендириу жумушла бек магъаналыгъа саналадыла. Ахыр беш жылны ичинде бу жаны бла аслам иш этилгенди. Аланы барына да 1,551 миллиард сом къоратылгъанды, ол санда былтыр 653,5 миллион сом багъасына мадар этилгенди, дегендиле республиканы Эл мюлк министерствосунда.
1 апреля, 2024 - 08:50
Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле. Къабарты-Малкъарда да алайды, аны себепли бу бёлюмге республиканы власть органлары тийишлисича эс бурадыла, ол санда себеплик да этедиле.
1 апреля, 2024 - 08:30
Россельхознадзорну Шимал Кавказда регионла аралы управлениясы быйыл январьда Къабарты-Малкъардан тышына жиберилген 170,2 тонна сют ашарыкълагъа кёз-къулакъ болгъанды. Сатыучула ол санда 2,2 тонна бишлакъны – Гюржюге, 26 тонна къаймакъны эмда эритилген бишлакъны – Азербайджаннга элтгендиле. Къалгъан 142 тонна Къазахстаннга ашырылгъанды.
31 марта, 2024 - 12:00
Магомет хабазчы жашды, Нальчикде жашайды. Таулада, тюзледе айланып, журтубузну ариу сейирлик жерлерин фотоаппарат бла суратха алдырады. Кезиуден кезиуге аланы «Заман» газетибизде чыгъара да турады.
31 марта, 2024 - 11:05
Элбрус районну Сабий эм жаш тёлю чыгъармачылыкъны айнытхан Мокъаланы Магомет атлы араны окъуучуларыны жетишимлерини юсюнден газетибизде материалла басмалай турабыз. Жаш тёлюню айнытыуда бу араны саулай да районнга магъанасы уллуду. Аны таматасы Мисирланы Фарида Магометовна бла къошакъ билим бериу учрежденияны бюгюннгю кюнюню юсюнден ушакъ этгенбиз.
31 марта, 2024 - 09:09
Ол кюн элге нек келгеним эсимде тюйюлдю… Алай эсе да, ата юйюме тансыкълыкъ жюрекни бийлесе, кечеди-кюндю дей да турмаучума, машина чакъырып, аз-кёп болса да, барып, анда жюрегими чёкдюреме. Манга «нёгер» а юйде Тамбийланы Къасботну «Атагъа-анагъа баллада» деген жыры да болуучуду.
31 марта, 2024 - 09:00
Поэзияны халкъла аралы кюнюне жоралап Кенже элни Маданият юйюнде регионла аралы «Берег дружбы-КБР» фестивальны гала-концерти болгъанды. Бу жумуш КъМР-ни Жаш тёлюню ишлери жаны бла министерствосуну, Али Шогенцуков атлы фондну таматасы Леонид Шогенцуковну эм Юнескону келечиси Розета Марышеваны себепликлери бла къуралгъанды.
30 марта, 2024 - 12:00
Жол мюлк къыралны экономикасыны магъаналы бёлюмлеринден бирине саналады. Аны себеплиги бла инвестицияла этиледиле, туристле аслам келедиле, производство ёседи, социал болум игиленеди, транспорт инфраструктура эм башха бёлюмле да айныйдыла.
30 марта, 2024 - 11:00
Бюгюнлюкде кёп эшитеме жаш тёлюбюз юйюр къурамайды деп. Аны бла байламлы мен да кесими жашаууму хапарын айтырыгъа сюеме.
30 марта, 2024 - 10:03
Бюгюнлюкде абадан тёлю халкъыбызны ахшы адетлери бла тёрелери жокъ бола баргъанларыны юсюнден терк-терк айтып тебирегенди. Аны алайлыгъын барыбыз да эслейбиз. Алай, келигиз, аны сылтауларын бир ненча юлгюню юсю бла кёргюзтюрге кюрешейик.
30 марта, 2024 - 10:00
Белгилисича, къарачай-малкъар халкъ ёмюрледен бери малчылыкъ бла баш тута келгенди. Ол себепден аны къоншу миллетледен окъуна иги биледи. Орта Азиягъа тюшгенлеринде да къазахлыланы, къыргъызлыланы арасында айырмалы болалгъанлары уа анга шагъатлыкъ этеди.
Бюгюнлюкде да таулу арбазлада тууар, ууакъ мал тутханла бардыла, алай аллайланы саны азая барады. Аны сылтауун билир муратда соруу бардыргъанбыз.
Страницы
|