Жангылыкъла

«Таза суу» федерал проектни чеклеринде Бахсан районну тийресинде бардырылгъан ишле бла байламлы КъМР-ни Къурулуш эмда жашау журт-коммунал мюлк министерствосунда кенгеш къуралгъанды.

Арт заманлада жаугъан сакъ жауунла эмда  алгъаракълада уа  келген ырхы суула  Зарагиж элни Псыж тийресинде  чаллыкъ эмда малла кютген жерлеге  баргъан жолгъа уллу халеклик салгъан  эдиле.

Кёп болмай КъМР-ни Эл мюлк министерствосу къурап Сабанлыкъны кюню ётгенди. Ол нартюхню бла чеплеуню ёсдюрюуге жораланнганды. Программагъа кёре, семинар бардырылгъанды, жангы сортланы, гибридлени да кёрмючлери къуралгъандыла. Анга алимле, эл мюлкде ишлегенле, предпринимательле эм башхала да къатышхандыла.  

Къабарты-Малкъарда 2021 жылда 100 гектардан аслам жерге терекле салыннгандыла. Бу иш «Экология» миллет проектни «Анъачланы сакълау» проектини чеклеринде бардырылгъанды.

Жай иссиледе эл мюлк жерледе от тюшюуню  къоркъуусузлугъу  бютюн кючленеди. Аны бла байламлы  Май районну администрациясыны тёгерекдеги къудуретни сакълау жаны бла бёлюмюню. Ишчилери ол кезиуде бютюн сакъ болургъа  чакъырадыла, сабанлада къауданны кюйдюрюрге жарамагъанын энчи чертедиле.

«Россети Северный Кавказ» «Каббалкэнерго» компания кюн иссиледе  Къабарты-Малкъарда  жашагъанланы энергокюч бла   чырмаусуз  жалчытыргъа  аслам эс бурады.

«Быт» деген оператив-профилактика ишни чеклеринде участковый полициячыла, акъылбалыкъ болмагъанланы ишлери жаны бла инспекторла эмда УФСИН-ни Чегемде бёлюмюню келечилери Чегем шахарда бла Экинчи Чегемде рейд бардыргъандыла. 

РФ-ни Правительствосуну таматасы Михаил Мишустин къол салгъан буйрукъгъа кёре, Республикалы сабий больницаны тынгылы жангыртыргъа къыстытыкъ фонддан 125 миллион сом бёлюнюрюкдю. Быллай билдириу Россейни Правительствосуну официальный сайтында орнатылып турады.

 15 июнда Пятигорск шахарда Михаил Мишустинни бла Казбек Коковну тюбешиую болгъан эди, ол кезиуде Россейни премьер- министри Къабарты-Малкъарны Башчысына  республикалы халда регионда жангыз болгъан сабий стационарны ремонтуна болушургъа айтхан эди.

Эсге сала айтсакъ, быйыл биринчи августдан башлап, бизни республикада электрокюч бла жалчытыу жумушну «Россети Шимал Кавказ» компания тындырлыкъды.

«Россети Шимал Кавказ» компания Терк районда Плановское элде электрокюч ызланы эмда сабий садны ток бла жалчытхан подстанцияны жангыртханды. Ишлени барына да 1,1 миллион сом къоратылгъанды.