30 сентября, 2021 - 08:01
Къабарты-Малкъарны Башчысы Казбек Коковну буюурууна кёре, шёндю болгъан эпидемиология болум бла эм адамаланы тилеклерин да эсге алып, 30 сентябрьден тебиреп, республикада жылыу бериу кезиу башланады.
Регионну 2021-2022 жыллада кюз-къыш кезиуге хазырлыгъыны юсюнден паспортуна кёре, жашау-коммунал комплексге кирген мекямла комиссиялы къарауланы ётгендиле эм фатарлагъа, башха жерлеге да жылыуну берип башларгъа хазырдыла.
29 сентября, 2021 - 14:27
Къабарты-Малкъар къырал университет эки бёлюмю бла дунияны башында бек иги кёрюмдюлери болгъан вузланы санына киргенди. Ол билдириуню халкъла аралы Round University Ranking агентство жайгъанды, деп билдиреди бийик билим берген учрежденияны пресс-службасы.
28 сентября, 2021 - 13:51
КъМР-ни Саулукъ сакълау министерствосуну пресс-службасы билдиргеннге кёре, республикада жангы коронавирус инфекциядан 172 062 адам дарман салдыргъанды. Аладан 139 129 инсан эки кезиуню да ётгендиле, ол санда дарманны экинчи кере салдыргъандыла. Быллай шартланы Саулукъ сакълау министерство 27 сентябрьге билдиргенди.
Шёндю Къабарты-Малкъар Республикада дарман салдырыучу 82 жер барды. Аллай пунктла битеу муниципал районлада да ачылыпдыла.
27 сентября, 2021 - 07:40
КъМР-ни саулукъ сакълау министри Рустам Калибатов Республикалы клиникалы больницада болгъанды, ол анда Минги таугъа чыкъгъанда чылмыкъгъа тюшген альпинистлени жокълагъанды.
23 сентября, 2021 - 19:34
Тюнене республиканы ара шахарыны А.А. Шогенцуков атлы орамында «Къоркъуусузлу качестволу жолла» деген миллет проектни чеклеринде къурулуш ишле башланнгандыла.
22 сентября, 2021 - 11:56
Экинчи Чегемде къабырлагъа жол тапландырылады.
21 сентября, 2021 - 17:13
21 сентября, 2021 - 15:35
РусГидро компанияны Шимал Кавказда энтта да юч гитче электростанция ишлерге мураты барды. Саулай алып айтханда, аланы кючлери 96 МВт жетерикди. Ала конкурсну эсеплерине кёре къыйматлы инвестиция проектлеча айырылгъандыла. Жангы объектлени къурулушу Къабарты-Малкъар, Чечен эм Дагъыстан республикалада бардырыллыкъды, ала 2027-2028 жыллада битерге керекдиле.
17 сентября, 2021 - 12:18
Россельхозбанк В.М. Коков атлы Къабарты-Малкъар къырал аграр университетни студентлерине быйыл стипендияларын кётюргенди, деп билдиреди финанс учрежденияны пресс-службасы.
Банк 2021-2022 окъуу жыллада стипендия бергенлени санын 54 адамгъа дери кёбейтгенди, ай сайын тёлеген стипендияны уа 12, 5 мингден 15 миннге дери.
Быйылгъы окъуу жылда Россей Федерацияны Эл мюлк министерствосуна бойсуннган аграр вузланы 450 студенти банкдан финанс болушлукъ аллыкъдыла.
15 сентября, 2021 - 17:01
2021 жылны 31 июлюндан башлап энчи предпринимательлеге, иш бла жалчытыучулагъа ишчилерине Социальный страхование фондда регистрация этер ючюн, аланы урунуу китапчыкъларыны копиялары, урунуу келишимлери да керек тюйюлдюле.
Страницы
