Исси кезиуледе сакълыкъ бютюнда изленеди!

Жай иссиледе эл мюлк жерледе от тюшюуню  къоркъуусузлугъу  бютюн кючленеди. Аны бла байламлы  Май районну администрациясыны тёгерекдеги къудуретни сакълау жаны бла бёлюмюню. Ишчилери ол кезиуде бютюн сакъ болургъа  чакъырадыла, сабанлада къауданны кюйдюрюрге жарамагъанын энчи чертедиле.

Быллай жерледе къургъакъ кырдык къабынса, ол уллу  хатагъа келтирирге боллукъду. Агъачлада ёртенлени сылтауу да асламысында ма олду. Аны къой, бир-бирледе от юйлеге жетеди, адам мюлкюне, табийгъатха да бек уллу хата салады.

Аны себепли жерлени иелери эмда арендаторла, бегирек да аланы абериге жаратмай, бошуна тутуп, ханс басдырып тургъанла, аллай тийрелеге сакъ болургъа керекдиле. Хатадан кери болур ючюн  заманында тазаларгъа, бошуна ёсюп тургъан тереклени эмда юлкюлени къырып кетерирге, кырдыгын да чалыргъа. Россей Федерацияны Жер кодексини 13-чю статьясына тийишлиликде ол борч алагъа салынады.

Дагъыда быллай жерлени тёгереклерин ыз-ыз  этип сюрюрге эмда кир-кипчик тёгюлмезине  кёз-къулакъ болуп турургъа тийишлиди. Бузукълукъ этгенлеге тазир салынырыкъды: инсанлагъа – 20-50, къуллукъчулагъа – 50-100, предприятиялагъа неда организациялагъа – 400-700 минг сом.