Сабийлерине иги къарамагъан жууапха тартыллыкъды

«Быт» деген оператив-профилактика ишни чеклеринде участковый полициячыла, акъылбалыкъ болмагъанланы ишлери жаны бла инспекторла эмда УФСИН-ни Чегемде бёлюмюню келечилери Чегем шахарда бла Экинчи Чегемде рейд бардыргъандыла.

Аны кезиуюнде биреу кесини сабийлерине тийишлисича къарамагъаны тохташдырылгъанды. Анга КоАП-ны 5.35 статьясыны биринчи кесегине тийишлиликде административ материал жарашдырылып, Чегем районну администрациясында акъылбалыкъ болмагъанланы ишлери эмда аланы эркинликлерин къоруулау жаны бла комиссиягъа жиберилгенди.

Дагъыда болушлукъ излегенлеге консультацияла берилгендиле, ата-анала эмда сабийле бла ангылатыу ушакъла бардырылгъандыла, деп билдиргендиле КъМР-де МВД-ны пресс-службасындан.