Ток ызла, подстанция да жангыртылгъандыла

«Россети Шимал Кавказ» компания Терк районда Плановское элде электрокюч ызланы эмда сабий садны ток бла жалчытхан подстанцияны жангыртханды. Ишлени барына да 1,1 миллион сом къоратылгъанды.

Эски ызланы узунлугъу жарым километрди, ала темир чыбыкъдан этилген эдиле. Жангысы уа пластмасса бла тышланнган аллайды, къоркъуусузлуду. Трансформатор подстанцияны уа кючю 250 кВА-ды, энергетикле аны сабий садикден арлакъда орнатхандыла.

Этилген ишлени хайырындан бу социал магъаналы объект эмда алайда микрорайон электрокюч бла ышаннгылы жалчытылынып турлукъдула, деп ышандыргъандыла компанияда.