Кеси къарыулары бла жолну тапландыргъандыла

Арт заманлада жаугъан сакъ жауунла эмда  алгъаракълада уа  келген ырхы суула  Зарагиж элни Псыж тийресинде  чаллыкъ эмда малла кютген жерлеге  баргъан жолгъа уллу халеклик салгъан  эдиле.

Мындан алгъа уа  Зарагиж элни администрациясыны башчысы  Владимир Калмыков  анда ишлеген жашла  бла бирге  чаллыкълагъа, жайлыкълагъа элтген жолну кеси алларына тапландырыр мурат этгендиле. Тракторчу Бёзюланы Ислам,  шофёр Олег Жеруков эмда  администрацияда ишлеген  Ислам Карданов бла ала битеу керекли жумушланы  тамамлагъандыла.

Къысха заманны ичинде жол хайырланыргъа берилгенди. Бюгюнлюкде аны бла  малла, адамла, машинала да къоркъуусуз жюрюйдюле. Аны ючюн эллиле уа алагъа ыразылыкъларын билдиргендиле.