Жангылыкъла

Уллу Ата журт урушда Хорламны 77-жыллыгъыны аллында Шимал-Кавказ темир жолда «Хорлам» деген энчи ретропоезд жюрюрча этилликди.

Нальчикге Донецк областьны Макеевка шахарындан отуз беш къызчыкъ бла жашчыкъ келгендиле. Аланы жыл санлары жетиден онжетиге дериди. Барысы да Долинскде «Радуга» социал реабилитация арада тохтагъандыла Алагъа бизде къонакъбайлыкъ шахарны администрациясы бла этилген келишимге кёре къуралады. Уруш къазауаты баргъан жерден келген сабийлеге, саулукъларын кючлендиргенден сора да, тюрлю-тюрлю оюнла, республиканы айбат жерлерине жолоучулукъла да къураллыкъдыла.

Быйыл биринчи апрельден башлап  рынокдан гитче ставкала бла берилген льготалы   ипотекалагъа тюрлениуле кийирилгендиле. Анга кёре,  Москвада жашау журт алыргъа онеки, башха регионлада уа алты миллион сом ёнкюч берилликди.

«Россети Шимал Кавказ» компанияны республикада бёлюмюню – «Каббалкэнергону» - ишчилери алгъаракъда бардырылгъан субботникге къатышхандыла

 КъМР-ни Башчысы  Казбек Коков Москвагъа иш бла баргъан кезиуде Россей Федерацияны транспорт министрини биринчи орунбасары Андрей Костюк бла тюбешгенди.

КъМР-ни Башчысы Казбек Коков «Жер-жерлени айнытыуну фонду» жамауат-праволу компанияны  попечитель советини таматасы Сергей Степашин эмда ол компанияны баш директору Константин Цицин бла Донецк халкъ республикадан келген сабийлени жокълагъандыла. 35 сабий  «Радуга»  реабилитация арада турадыла эмда медицина, социал-психодлогия болушлукъ аладыла.

Къабарты-Малкъарны аграрчылары    башха  субъектлени да терекчикле бла жалчытадыла. Алай бла  былтыр бир жылны ичинде тышына  бир миллион чакълысы жиберилгенди.

  Чекленнген онглары болгъан инсан, ол сакъатланы къайсы къауумуна киргенине къарамай, ОСАГО полисге тёлеген ахчасыны 50 процентин къайтарыргъа эркинди. Бу льгота борчлу халда автострахование этиу законнга тийишлиликде бериледи, алгъа жыллада аны халкъны социал къоруулау органла тёлегендиле.

Коммунист партияны регионда бёлюмюнде «Они сделали все, что могли…» деген китапны къууанчлы халда презентациясы болгъанды. Аны авторла регионда Адамны эркинликлери жаны бла уполномоченный Зумакъулланы Борис бла партия бёлюмню башчысы Борис Паштов жарашдыргъандыла.

Тамата класслада окъугъан 12 школчубуз Къабарты-Малкъарны Битеуроссей олимпиада да кёргюзтюрюкдюле. Ала регионда бардырылгъан эришиулени хорлагъандыла, аны бла бирге финалгъа тюшерча кереклиси тенгли бир балла алгъандыла. Битеу да республикалы даражада  53 школчу олимпиада да хорлагъандыла.

Эришиулени ахыр кезиую 18 мартда башланнганды, анга битеу къыралдан алты мингден аслам сабий къатышады, деп билдиргендиле республиканы оноучусуну пресс-службасындан.