«Хорлам» ретропоезд Нальчикге келликди

9 апреля, 2022 - 16:22

Уллу Ата журт урушда Хорламны 77-жыллыгъыны аллында Шимал-Кавказ темир жолда «Хорлам» деген энчи ретропоезд жюрюрча этилликди. Ол тылпыу бла ишлейди, кеси да уруш заманладача составдан къуралыпды.

«Нальчик» темир жол станциягъа поезд быйылны 23 апрелинде келликди. Ол кюн Нальчик шахарны темир жол вокзалында ветеранлагъа, шахарда жашагъанлагъа бла аны къонакъларына байрам концерт къураллыкъды. Аны кезиуюнде темир жолчуланы чыгъармачы коллективлери бла Ростовну темир жолланы къырал университетини студентлери жырда, тепсеуде да усталыкъларын кёргюзтюрюкдюле.

  • 8 просмотров
Поделиться: