Жангылыкъла

«Лидер» араны къутхарыучулары Чирик кёлню теренлигин ёнчелегендиле, ала тохташдыргъанларыча, ол 292 метрди. Ары дери, 2016 жылда, Орус география обществону алимлери тинтиулерини кезиуюнде карст кёлню теренлиги 279 метрди деген эсеплеге келген эдиле.

МЧС-ни регионда Баш управлениясыны пресс-службасындан билдиргенлерине кёре, къутхарыучула-водолазла, энчи оборудованияны да хайырлана, 1-10-чу апрельде жарау халда орта эм уллу теренликлеге киргендиле.

КъМР-ни Башчысы Казбек Коков Роспотребнадзорну КъМР-де Управлениясыны таматасы  Жирослан Пагов бла ишчи тюбешиу бардыргъанды. Республиканы баш къырал санитар врачы регионну оноучусуна 2021 жылда санитар эпидемиология хал осалгъа кетмез эмда хайырланыучуланы эркинликлери сакъланыр ючюн не иш бардырылгъаныны юсюнден отчёт этгенди. 

КъМР-ни Башчысы Казбек Коков Россей Федерацияны Президентини Шимал-Кавказ федерал округда толу эркинликли келечисинде советни видеоселектор кенгешине къатышханды.

Жыйылыуну Юрий Чайка бардыргъанды. АнгаРФ-ни жарыкъландырыу министрини орунбасары Татьяна Васильева, Урунуу эмда иш бла жалчытыу жаны бла федерал службаны башчысы Михаил Иванков къошулгъандыла. Кенгешде   Украинада энчи аскер операция бардырылгъан кезиуде СКФО-ну регионларында халны тутхучлулугъун кючлендириуню  амаллары сюзюлгендиле.

Кёп болмай КъМР-ны эл мюлк министри  Хасан Сижажев, терек бахчалыкъда уруннганла да къатышып,  кенгеш бардыргъанды. Анда сёз  республикада бёлюмню болумуну эм  аны  айнытыуну юсюнден баргъанды.

КъМР-ни Башчысы Казбек Коков Кавказ.РФ акционер обществону таматасы Хасан Тимижев бла ишчи тюбешиу бардыргъанды.

Тырныауузда Совет Союзну Жигити В.Кузнецов атлы 6-чы номерли школну окъуучулары «Къоркъуусуз жай башы» акцияны чеклеринде  жолда жюрюуню къоркъуусузлугъуну жорукъларын къайтаргъандыла.

 Алагъа къонакъгъа келген къыралавтоинспекторла  жашчыкълагъа бла къызчыкълагъа жолда къоркъуусузлукъну  юсюнден къысха видео кёргюзтгендиле. Жаяу адам жолда асламында этген кемчиликлени белгилеп, ала къаллай хатагъа келтирирге боллукъларын ангылатхандыла. 

Инспекторла кийимледе светоотражатель кече адамны  ачыкъ этгенин чертип, аланы окъуучулагъа юлешгендиле.

"Якутия" авиакомпания «Внуково-Нальчик–Внуково» маршрут бла къошакъ рейс ачады.

Кюн ачылып, хауа да жылыннганы бла республиканы районларында урлукъ себиу иш жангыдан башланнганды.

Былтыр бизни республикада нартюхню гибридлерини урлукъларындан онеки минг тонна чыгъарылгъанды.

Къабарты-Малкъарны эл мюлкюню магъаналы бёлюмлеринден бирлерине мирзеучюлюк, тахта кёгетле эм наныкъ ёсдюрюу саналадыла. Жыл сайын аланы къайсы бири да иги кесек файда келтиреди.