Жангылыкъла

Арт кюнледе къыш къайтып, аслам къар жаууп башлагъаны ючюн жоллагъа къарагъан «Кавказ» Управлениягъа да тирирек болургъа тюшгенди.

Хайырланыучуланы эркинликлерин къоруулау жаны бла Битеудуния кюнню белгилеуню чеклеринде «Россети Шимал Кавказ» компания «Свет онлайн» деген приложение чыгъаргъанды

 Республиканы районларында жазгъы от тюшюу эм суу кётюрюлюрюне къоркъуулу кезиуге хазырланыу къыстау барады, бу ишни МЧС энчи эсебинде тутады, деп билдиредиле ведомствону регионда Баш управлениясыны пресс-службасындан.

  Россейни Саулукъ сакълау министерствосуну коллегиясыны кенгертилген жыйылыуунда  РФ-ни саулукъ сакълау министри Михаил Мурашко биринчи медицина болушлукъ берген бёлюмню ишин жангыча къурауну проектин жашауда жетишимли бардыргъан регионланы арасында Къабарты-Малкъарны да санагъанды. Ол дагъыда Къабарты-Малкъарда  медицина болушлукъ бла жалчытыугъа халкъ иги багъа бергенин да чертгенди.

КъМР-ни Башчысы Казбек Коков Шимал Кавказда миллет къоркъуусузлукъну жалчытыугъа жораланнган кенгешни ишине къатышханды. Аны РФ-ни Къоркъуусузлукъ советини Секретары Николай  Патрушев бардыргъанды.

 Грозныйде ётген кенгешге  РФ-ни Президентини Шимал-Кавказ федерал округда толу эркинликли келечиси Юрий  Чайка, Россейни Къоруулау министерствосуну, ФСБ-сыны, МВД-сыны, МЧС-сини, Генеральный прокуратурасыны, Саулукъ сакълау министерствосуну, Транспорт министерствосуну, башха федерал министерстволаны бла ведомстволаны келечилери да къатышхандыла.

КъМР-ни Башчысы Казбек Коков КъМР-ни экономиканы айнытыу министри Рахайланы Борис эмда КъМР-ни Айнытыуну корпорациясыны баш директору Чочайланы Ахмат бла ишчи тюбешиу бардыргъанды. Аны кезиуюнде санкцияланы болумунда республикагъа инвестицияла келирча этиуню амаллары эмда тамамланнган эмда алыкъа бардырыла тургъан инвестиция проектлеге себеплик этиуню мадарлары сюзюлгендиле.

КъМР-ни Эл мюлк министерствосундан «Агростартап» программа бла ахча бериллигин эмда аны бла байламлы документлени алып башланырыгъын билдиргендиле.

КъМР-ни Башчысы Казбек Коков Россей Федерацияны Президентини Шимал-Кавказ федерал округда толу эркинликли келечиси Юрий Чайка видеоконференция халда бардыргъан кенгешге къатышханды.

КъМР-ни Башчысы Казбек Коков РФ-ни транспорт министри Виталий Савельевни башчылыгъы бла видеоконференция халда ётген кенгешге къатышханды

Былтыр Къабарты-Малкъарда агропромышленность комплексде къармашханланы 1874 заявкасы дурус кёрюлгенди. Сёз мында субсидияла бла онгдурууну юсюнден барады, дегендиле регионну Эл мюлк министерствосунда.