Жангылыкъла

Республикалы клиникалы больницагъа табийгъат газ атылып жаралы болгъан ючеуленни  келтиргендиле, аладан бири эр кишиди эм эки тиширыу. Саусузланы бетлери, бармакълары отдан кюйгенди эм бир кесек къыйналып солуйдула, болсада жашауларына къоркъуу жокъду.

Больницагъа келтиргенледен бирлери, анда къалыргъа унамагъанды, къалгъанларын термический жараланы бакъгъан бёлюмге кёчюргендиле. 

Саусузла медицина жаны бла  битеу керекли болушлукъну аладыла, деп билдиргендиле КъМР-ни Саулукъ сакълау министерствосундан. Министерство болумну контрольда тутады.

 КъМР-ни Башчысы Казбек Коков РФ-ни Къырал советини санкцияланы кезиуюнде экономиканы тутхучлу айнытыу жаны бла ишчи къауумуну селектор кенгешине къатышханды

Кёп болмай  Сбербанкны бёлюмюню келечилери Къабарты-Малкъар къырал университетни студентлери бла тюбешип,  банкны ишини юсюнден билдиргендиле

Озгъан шабат кюнде Бабугентни администрациясыны, Маданият юйюню келечилери эм устазла бла тамата классланы окъуучулары  Чирик кёлню тийресин къаты къалгъан-къулгъанладан бла кир-кипчикден тазалагъандыла.

Росгвардияны КъМР-де Управлениясыны пресс-службасыны башчысы полицияны майору Марина Лукожева  «Веселые старты» битеуроссей фестивальны регион бёлюмюню жюрисини къауумуна къатышханды

Жыл сайын 22 мартда Суу байлыкъланы Битеудуния кюню белгиленеди. Аны ООН-ну Генеральный  Ассамблеясы 1993 жылда къурагъанды. Бу кюн битеу къыралла да суу байлыкъланы сакълаугъа эмда хайырланыугъа жораланнган жумушланы тамамларгъа чакъырадыла.

Кёп болмай Бабугентде Деппуланы Хакимни атын жюрютген 2-чи номерли кадет школ-интернатда къонакъда Россейни Жигити Евгений Бобров, Къоруулау министерствону экспедиция-излем бёлюмюню таматасыны орунбасары Александр Агеев эм запасдагъы офицерлени "Мегапир" миллет ассоциацияларыны КъМР-де биригиуюню башчысы Атайланы Жашарбек болгъандыла.  

КъМР-ни Башчысы Казбек Коков регион правительствону къаууму бла бардыргъан кезиулю кенгешде  РФ-ни Президентини «Россей Федерацяда социал-экономика тутхучлулукъну жалчытыу эмда аны халкъын къоруулау жаны бла мадарланы юсюнден» Указы къалай толтурулгъанына къаралгъанды

Къабарты-Малкъарда фермерлеге, «Агростартап» грант программаны хайырындан, быйыл 54 миллиондан артыкъ сом берилликди

Санкциялагъа да къарамай,   медицина оборудование чыгъаргъан «Севкаврентген-Д» завод бюгюнлюкде къыралда  жетишимли ишлеген предприятияладан бириди.  Къабарты-Малкъарны экономикасын айнытыугъа да къошумчулугъу уллуду.