|
|
Все статьи
26 апреля, 2019 - 10:00
Быйыл 13 апрельде РФ-ни МВД-сыны Элбрус районда бёлюмюне Элбрус элден тиширыу аны юйюнден 489 минг сом багъасы алтын затла тас болгъанларына тарыкъгъанды.
26 апреля, 2019 - 09:50
Черек районда бу кюнледе эки магъаналы иш болгъанды: «Тазалыкъдан башлайма жолуму» эмда «Хорламгъа 100 балл» акцияла ётгендиле. Алагьа Россей Федерацияны 62 регионундан 300 адам къатышханды. Ала ЕГЭ-леде 100 балл алып, къыралны бек иги бийик окъуу юйлерине киргенледиле.
26 апреля, 2019 - 09:45
Жалгъан ахчала этгенлени тюрмеге угъай, къырал ишлеге
Пётр I-ни заманында жалгъан ахчала ючюн тюрмеге угъай, къырал ишлеге ийгендиле.
1712 жылда патчахны буйругъуна кёре, Россей империяда жашагъан адамда бирча ахчала табылсала, ол аманлыкъчылыкъгъа саналгъанды. Нек дегенде къыралны «монетный дворлары» бирча ахчаланы хазырлаялмагъандыла.
26 апреля, 2019 - 09:37
Адамны саулугъу терисине кёреди деп,эштада, бош айтыла болмаз. Аны юсюнденди бюгюн бизни Медицина профилактиканы республикалы арасыны врач-методисти Латмир Пшуков бла ушагъыбыз.
26 апреля, 2019 - 09:33
Суратланы хар биринде да эки адам барды: суратчы эм къараучу, дегенди Ансел Адамс. Бизни жашауубузда фотоаппарат бла алыннган чыгъармала бек магъаналыдыла. Озгъан кезиуледегилеге къарап, заманны тохтагъан такъыйкъаларын эсгеребиз, сабийлигибизни, сюйген адамларыбызны кёз туурабызгъа келтиребиз.
26 апреля, 2019 - 09:27
Къабарты-Малкъар къырал аграр университет, къошакъ профессионал билим берген «Апгрейд» институт эмда орус-француз гастрономия компания къонакъ юйледе бла ресторанлада жумушла бла жалчытыугъа юйретир муратда тренингле бардыргъандыла. Аланы Испанияда F&B Service Les Roches Marbella халкъла аралы школуну преподаватели Хорхе Караседо къурагъанды.
26 апреля, 2019 - 09:20
Уллу Хорламны 74-жыллыгъына
Къойчуланы Жашауну жашы Иосиф жаланда туугъан эли Яникойну угъай, битеу Малкъарны махтаулу жашларындан бири эди. Немец-фашист аскерле бла урушха ол 1941 жылда июнь айны биринчи кюнлеринде киргенди. Кишилиги эм жигитлиги ючюн бек сыйлы аскер саугъа бла – Къызыл Байракъны ордени бла, эки кере саугъаланнганды. Совет Союзну Жигити деген атха кёргюзтюрге къагъытларын жарашдыра тургъанлай, тыйып къойгъандыла. Аны сылтаууну юсюнден айтыр кереклиси болмаз. Ол кёп уллу сермешлеге къатышханды, урушну майор чыны бла бошагъанды. Газет окъуучуланы Къойчу улуну бир кесеги бла шагъырей этебиз.
26 апреля, 2019 - 09:20
Нальчикде Культура фондда эстонлуланы «Кодумаа» миллет-культура аралары «Жаз башы тюбешиуле» деген байрам къурагъандыла. Анга республикада болгъан битеу миллет биригиулени келечилерин да чакъыргъандыла. Сыйлы къонакъланы араларында Дуния эстон маданият араланы ассоциациясыны таматасы Лиина Микс, эстонлу элчилени общинасыны «Рюкка» биригиуюню башчысы Кюлли Кель, ол биригиуню Тартуда келечилери да бар эдиле. Дагъыда Симферопольдан эстон миллет биригиуню таматасы Ольга Скрипченко (атасы эстонлуду) Кърымдан къызыу салам келтиргенди.
26 апреля, 2019 - 09:15
Кёп болмай Къабарты-Малкъар къырал университетде мехатроникадан бла робототехникадан «Прорыв в роботронию» деген республикалы бешинчи ачыкъ чемпионат болгъанды. Анга 7-17 жыллары толгъан эллиден аслам школчу къатышханды.
26 апреля, 2019 - 09:10
РФ-ни Следствие комитетини КъМР-де следствие управлениясы Бахсан районну Кременчуг-Константиновское элинде кир-кипчик жыйылгъан жерде полиэтилен машокда къагъанакъны ёлюгю табылгъаны бла байламлы тинтиуле бардыргъанды.
26 апреля, 2019 - 09:05
Огъары Малкъардан Алибекланы Мустафаны атасы Алий саудюгерчи эди. Узакъ жерлеге барып, къумачла, патеген чыракъла эм адамланы жашауларында керек боллукъ кёп башха затланы келтирип, сатып тургъанды. Элни башына жууугъуракъда, черекни онг жагъасында, ташдан уллу юйле, журтла да ишлегенди.
26 апреля, 2019 - 09:00
Хурзукчу Шаманланы Ибрагимни жашы Солтан бла Къарт-Журт элден Абайханланы Адурхайны къызы Мариям, юйюр къурап, беш сабийни ёсдюргендиле. Урунууну сюйген, адепли, намыслы ата бла ана аланы окъутуп, билимли, юйдегили этип, жамауатха къошхандыла.
24 апреля, 2019 - 08:17
Май байрамланы кезиуюнде «Таучуну жолу» деген жангы маршрут сыналлыкъды. Аны «Тауланы патриотлары» клуб республиканы автомобиль эм мотоциклет спортдан федерациясыны болушлугъу бла къурайды.
24 апреля, 2019 - 08:17
Орус география биригиуню «Альтаир» жаш тёлю клубундан беш къыз жаш аскерчини Росгвардияны КъМР-де Управлениясы Михаил Калашниковну 100-жыллыгъына атап къурагъан юйрениулерине къатышхандыла. Аланы барысыны да альпинист сынаулары бар эди. Алай бла жаш аскерчилеге энчи буйрукъла толтургъан «Элбрус» отрядны офицерини таматалыгъында юч кюнню ичинде сауутла бла хайырланыргъа, душман кёрмезча бугъунуп бир жерден башхасына ётерге, тартылгъан бауну болушлугъу бла жардан ётерге эм кёп башха къыйын жумушла толтурургъа тюшгенди.
24 апреля, 2019 - 08:16
Нальчикде Идаров бла Суворов орамла бирге къошулгъан жерде темир жолну переездини иги да тозурагъаны водительлени эрттеден бери жунчутады. Былайгъа ремонт этилмегенли бир жылдан аслам болады. Аны эки жанында да чунгурла асыры кёпден, техниканы аяргъа, акъырын барыргъа тюшеди.
24 апреля, 2019 - 08:16
Россейде Донорну миллет кюнюн Сюд приставланы федерал службасыны КъМР-де Управлениясында ишлегенле да белгилегендиле. Ала бла бирге ол кюн къан алыучу станциягъа ведомствону жамауат советини къаууму да баргъанды. Аладан бири - Мария Котлярова - башхалагъа бек багъалы затынгдан юлюш этиуню жюрек халаллыкъны, жандауурлукъну белгисине санагъанды.
-Бюгюн башхагъа себеплик этген инсан тамбла, керек болса, анга да болушлукъ табылмай къалмазлыгъына ийнанады. Сюд приставланы бу огъурлу ишлери да, сёзсюз, унутулуп, тас болуп къалмаз,-дегенди ол.
24 апреля, 2019 - 08:15
КъМКъУ-да Жууукъдагъы Востокдан келип окъугъан 50 студент Элбрусда Уллу Ата журт урушда жоюлгъанланы 3500 метр бийикликде орналгъан эсгертмелерине гюлле салгъандыла. Бу акция КъМР-ни Жарыкъландырыу, илму эмда жаш тёлюню ишлери жаны бла министерствосуну башламчылыгъы бла Уллу Хорламны байрамына жораланып бардырылгъанды.
24 апреля, 2019 - 08:13
Жаз башында авитаминоздан барыбыз да къыйналабыз. Не жемишде къайсы витамин болгъанын Нальчик шахарны биринчи поликлиникасыны терапевти Гыжгыланы Разият айтады:
24 апреля, 2019 - 08:12
Электрокючню аны ючюн тёлемей хайырланыргъа сюйгенледен быйыл 60 минг сом жыйылгъанды. Кёп фатарлы юйледе бардырылгъан тийишли рейдлени кезиуюнде токну урлау бла байламлы 43 шарт тохташдырылгъанды. Ол 56 минг киловатт-сагъат болады, аны багъасы уа 189 минг сомгъа жетеди, деп билдиргендиле «Каббалкэнерго» компаниядан.
24 апреля, 2019 - 08:12
Хорламны кюнюнде Нальчикде «Ёлюмсюз полк» бардырыллыкъды. Быйыл бу акция бешинчи кере къураллыгъын айтырчады. Ол кесини тизгинлерине битеу республикадан да кёп санда халкъны жыйышдыргъаны тёреге айланнганды.
Бу эсгериу акция «Ала хар заманда да хорлагъанланы тизгинлериндедиле» деген чакъырыу бла бардырылады. Аны баш мураты - ол къанлы сермешледе мамырлыкъны сакълагъанланы хурметлерин кёрюу, хар жигитни да атын эсде тутууду.
Страницы
|
