Ала хар заманда да хорлагъанланы тизгинлериндедиле

Хорламны кюнюнде Нальчикде  «Ёлюмсюз полк» бардырыллыкъды. Быйыл бу акция бешинчи кере къураллыгъын айтырчады. Ол кесини тизгинлерине битеу республикадан да кёп санда халкъны  жыйышдыргъаны тёреге айланнганды.  
Бу эсгериу акция «Ала хар заманда да хорлагъанланы тизгинлериндедиле» деген чакъырыу бла бардырылады.  Аны баш мураты - ол къанлы сермешледе мамырлыкъны сакълагъанланы хурметлерин кёрюу, хар жигитни да атын эсде тутууду.

«Ёлюмсюз полкну» тизгинлерине хар адам да сюелирге эркинди. 9 майда Хорламны келтирген сыйлы ветеранларыбызны, тылда уруннганланы, партизанланы, фашист лагерьлени жесирлерини, блокаданы къыйын кюнлерин сынагъанланы суратлары бла Нальчикни ара орамына келигиз.

Суратланы кесигиз къураргъа неда аланы бу фирмалада хазырларгъа боллукъду:
«Legko»: Пушкин атлы орам, 85-чи мекям, 103-чю отоу, тел 76-00-39;
«Свой стиль»: Ленин атлы пр, 30-чу мекям, тел: 77-40-88;
«Юг медиа»: Къулийланы Къайсын атлы пр, 10-чу мекям, тел: 40-35-25;
«Ракурс»: Киров атлы орам, 2 «в» мекям, тел: 40-09-09;
«Рекламист»: Киров атлы орам, 306 «б» мекям, тел:77-40-14;
«Print центр» Къарындашла Къушховла атлы орам, 79 «а» мекям, тел: 8-928-077-06-50.
Бу жумушну арт болжалгъа салмазыгъызны тилейбиз. Суратланы багъаларын организацияланы кеслеринде сураргъа боллукъду. Ветеранны, урушну къазауатында къалгъан аскерчини сураты жокъ эсе уа, аны аты, тукъуму бла табличка хазырларгъа онг барды. 
Акция не заманда башланырыгъы эмда къайсы орамла бла барлыгъы энтта белгили этилликди. 
Соруулары болгъанла уа бу телефон номерлеге сёлеширге боллукъдула: 8-928-691-99-46 – Марина Битокова, 8-903-426-61-01 – Анна Романовская, 8-928-690-33-62 – Геляхланы Мадина, 8-928-914-17-84 – Артем Челикин, 8-963-167-60-69 – Къартлыкъланы Фарида, 8-928-081-99-14 – Тамара Битокова.
Акцияны юсюнден билдириуле социальный сетьледе да басмаланадыла:
https//vk.com/region07_polkrf2016
https//www.Facebook.com/region07.polkrf
https//www.Instagram.com/polk_nalchik/