«Таучуну жолу» сыналлыкъды

Май байрамланы кезиуюнде «Таучуну жолу» деген жангы маршрут сыналлыкъды. Аны «Тауланы патриотлары» клуб республиканы автомобиль эм мотоциклет спортдан федерациясыны болушлугъу бла къурайды. 
Беш кюнню ичинде экспедициягъа къатышханла энчи машиналада Шимал Осетия-Аланияны Хазнидон ауузундан Къабарты-Малкъарны юсю бла Къарачай-Черкесге барлыкъдыла. Ала беш ауушдан ётерикдиле, кече альпинист лагерьледе бла чатырлада къаллыкъдыла. Къонакъла республикабызны эм ариу жерлерин кёрлюкдюле, миллет ашарыкъла бла сыйланырыкъдыла. Экстримни сюйгенлени да парапланлада бла зиплайнлада учуу, роупджампинг секириу (къаядан энишге канатха къысылып чанкъайыу)  сакълайдыла.