27 сентября, 2022 - 20:05
Грозныйде Россейни Югуну халкъларыны маданият эм спорт фестивальлары бардырылгъанды. Анга къыбыла регионладан сора да, Абхазиядан, Донецк эм Луганск халкъ республикаладан мингден аслам спортчу къатышхандыла.
27 сентября, 2022 - 09:35
Къазанда грек-рим тутушуудан битеукъырал эришиу бардырылгъанды, ол РСФСР-ни сыйлы тренери Мягас Сахабутдиновну хурметине аталып къуралгъанды. Турнирге Россейни 60 регионундан 21 жыллары толмагъан 410-дан аслам гёжеф къатышхандыла.
27 сентября, 2022 - 09:00
Нальчикде Сабий стадионда 2011 жылда туугъан спортчуладан къуралгъан командаланы араларында футболдан турнир бардырылгъанды, анга Пятигорскдан, Ессентукиден, Моздокдан, Ардондан бла Нальчикден сегиз команда къатышхандыла.
26 сентября, 2022 - 20:34
Жаболаны Музафарны къызы Марина тхэквондо ИТФ-дан Россейни спортуну устасыды. 1997, 1998 эм 2003 жыллада Шимал Кавказны биринчиликлеринде уллу жетишимлеге жетгенди. Андан сора, Шотландияда жаш тёлюню арасында бардырылгъан европалы эришиуледе хорлагъанды, Россейни бир ненча чемпионатларында алчы болгъанды. Экинчи данлы къара бел бауу барды. Кёп заманны КъМР-ни Билим бериу эм илму министерствосуну специализацияланнган республикалы сабий эм жаш тёлю спорт арасында къызчыкъланы бла жашчыкъланы юйретип тургъанды. Бусагъатда уа Норильскени Талнах районунда 30-чу номерли мектепде физкультурадан устазлыкъ этеди, сабийлени да тхэквондогъа юйретеди.
26 сентября, 2022 - 16:11
Тырныауузда грек-рим тутушууну айнытып башлагъанла СССР-ни спортуну усталары Байзуллаланы Юсюпню бла Мирзойланы Хызырны хурметлерине жоралап, жыл сайын турнир бардырылады.
23 сентября, 2022 - 12:11
Нальчикде «Кросс нации» деген аты бла чабыуну битеукъырал кюню белгиленнгенди. Анга республиканы шахарларындан бла эллеринден 1500-ге жууукъ адам къатышхандыла. Аны жер-жерли администрацияны Физкультура, спорт эмда жаш тёлюню ишлери жаны бла управлениясы къурагъанды.
23 сентября, 2022 - 12:01
Нальчик шахарда «Юность России» деген спорткомплексде Къабарты-Малкъарны от ёчюлтюучю -къутхарыу гарнизонуну жыйымдыкъ командаларыны арасында эришиуле ётгендиле. Бу жумуш от ёчюлтюу-къутхарыу спортну 85-жыллыгъына аталгъанды.
22 сентября, 2022 - 19:16
Республиканы Спорт министерствосу билдиргеннге кёре бу кюнледе Узбекистанны Наманган шахарында бел баулада тутушуудан 20-чы дунияны чемпионаты бардырылгъанды. Ары жыйырма алты къыралдан 250 спорчу къатышханды.
22 сентября, 2022 - 16:44
«Хасания» спорт клубда жаш, округ, къырал даражалада да хорлагъан гёжефлени жетишимли хазырлайдыла. Тренер Мисирланы Илияс да, сабийлени тутушууну энчиликлерине тюшюндюре, ала къарыулу болгъанларындан тышында, адамлыкъны да багъаларларына къайгъыра ишлейди.
22 сентября, 2022 - 16:08
Нальчикде абадан эм жаш спортчуланы араларында шахматладан блиц-турнир къуралгъанды.
Страницы