Нальчикде Сабий стадионда Т. Х. Ташевни хурметине жораланнган тёрели турнир бардырылгъанды. Анга Къабарты-Малкъарны районларындан бла шахарларындан алты команда къатышхады.

Къарачай-Черкесде МЧС-ни СКФО-да Баш управлениясыны командаларыны араларында эришиуле бардырылгъандыла. Ала Россейде От тюшюуге къажау къырал надзор къуралгъанлы 95 жыл толгъанына аталгъандыла, деп билдиредиле ведомствону регионда бёлюмюню пресс-службасындан. 

Черкесскде эр кишилени бла тиширыуланы араларында шахматладан СКФО-ну чемпионаты бардырылгъанды. Анга округну регионларындан 109 спортчу къатышханды, бизни республиканы келечилери 19 болгъандыла.

«РусГидро» обществону республикада бёлюмюню къаууму «Юг» кесегини спартакиадасында хорлагъанды. Эришиулеге Дагъыстанда, Къарачай-Черкесде, Шимал Осетия-Аланияда, Кубаньда эм талай башха бёлюмледен 110 спортчу къатышхандыла, ала эки кюнню ичинде футбол эм стол теннис ойнап, женгил атлетикада бла жюзюуде сынашхандыла.

Бу кюнледе Нальчик шахарны «Гладиатор» спорт комплексинде «Ата, ана, мен – спорт юйюр» деген фестиваль ётгенди. Ол юйюрню, сюймекликни эм кертичиликни кюнюне аталгъанды. Аны Къабарты-Малкъар республикада Ич ишлени министерствосу къурагъанды. Ары право низамны сакълаучу органланы келечилери юйюрлери бла къатышхандыла.

КъМР-ни 100-жыллыгъына

2004  жылны 23 августунда ёмюрде биринчи кере бизни жерлешибиз, малкъар миллетни жашы, Тырныауузну ауур атлети, рекордсмени Аккайланы Хажи-Мурат, сермеп алып, 185 килограмм, ёрге тюртюп да 220 килограмм кётюрюп, жай Олимпиада оюнлада кюмюш майдалгъа тийишли болгъанды. Ол болгарлы ауур атлетден жаланда эки килограмм бла 500 граммгъа аз кётюргенди.

Таэквондодан тренер Дадуланы Азамат Нальчикденди, Къабарты-Малкъар къырал университетни Физкультура эм спорт факультетин тауусханды. Ол 100 килограмм ауурлукъ къауумда сермешеди, тренер болуп, сабийлени, абаданланы да юйретеди.

Къабарты-Малкъарны Курортла эм туризм министерствосунда Орус география обществону «ЮНЭК» жаш тёлю клубуну келечилерине къууанчлы халда «Россейни туристи» деген белгилени бла шагъатлыкъ къагъытланы бергендиле.  

Армавирде 21 жыллары толмагъан дзюдочуланы араларында битеукъырал эришиуле бардырылгъандыла. 

Ангелина Лазаренко – республикабызны эм умутландыргъан жаш спортчуларындан бириди. Тренери Этезланы Владимирни башчылыгъында ол единоборстволаны талай тюрлюсюнде жетишимли болгъанды, спортну устасына кандидатны нормативин толтургъанды эм бютюн уллу хорламлагъа итинеди.