Кёл кётюрген эришиуле Нальчикде «Кросс нации» деген аты бла чабыуну битеукъырал кюню белгиленнгенди. Анга республиканы шахарларындан бла эллеринден 1500-ге жууукъ адам къатышхандыла. Аны жер-жерли администрацияны Физкультура, спорт эмда жаш тёлюню ишлери жаны бла управлениясы къурагъанды. «Кросс нации» - Россейде эм уллу спорт байрамладан бириди, ол жыл сайын къыралны битеу регионларында да тёрели халда ётеди, анга чабыуну сюйген мингле бла адамла келиучюдюле. Бюгюнлюкде анга сейир ёседен-ёсе барады, анга сылтаула да аз тюйюлдюле. Бек алгъа, ол хар инсаннга деменгили спорт къыралны кесеги болгъанын сезерге, спорт жолун башларгъа онг береди, сора заманны саулукъгъа себеп бла эм зауукълу ётдюрюрге да ахшы амалды. Чабыуда хорлагъанла Россейни Спорт министерствосуну кубоклары, майдаллары эм грамоталары бла саугъаланнгандыла.
Поделиться:
Читать также:
17.04.2024 - 14:44 →
Чаришле бийик даражада ётерча
16.04.2024 - 12:00 →
Сыйлы айгъа атап
16.04.2024 - 09:00 →
«Акбарсны» кубогундан – хорламла бла
16.04.2024 - 08:30 →
Уллу эришиуню аллында – ахшы сынам
15.04.2024 - 10:18 →
Район къауумланы араларында - эришиуле
| ||
