Биринчи жер-къонакъ командада

Нальчикде Сабий стадионда 2011 жылда туугъан спортчуладан къуралгъан командаланы араларында футболдан  турнир бардырылгъанды, анга Пятигорскдан, Ессентукиден, Моздокдан, Ардондан бла Нальчикден сегиз команда къатышхандыла.

Турнирни эсеплерине кёре, эм иги ойнап, биринчи жерге «Пятигорск» къауум чыкъгъанды. «Спартак-Нальчикни» келечилери–экинчиле, А.Апшев  атлы  олимпиада резервли спорт школуну «Эльбрус» къаууму уа ючюнчюле болгъандыла. Жаш футболчула кубокла, майдалла эм грамотала бла саугъаланнгандыла.