Спорт

Республиканы Спорт министерствосу билдиргенине кёре, бу кюнледе Владикавказда дзюдодан эки кере Совет Союзну Жигити Исса Плиевни хурметине жораланнган битеу россей эришиуле ётгендиле. Ол жыйырма юч жыллары толмагъан жаш спортчуланы аралырында бардырылгъанды. Ары Россейни онбеш субъектлеринден онбеш ауурлукъ категориялада 150-ден аслам спортчу кеслерин сынагъандыла.

Республиканы Спорт министерствосу билдиргеннге кёре, бу кюнледе Терк районда грек-рим тутушуудан Россейни сыйлы тренери, КъМР-ни физкультурасыны бла спортуну сыйлы къуллукъчусу Нургали Битоковну хурметине ачыкъ республикалы эришиуле бардырылгъандыла. Анда Къабарты-Малкъарны грек-рим тутушуу бла кюрешген жаш спортчулары онбеш ауурлукъ къауумда кеслерин сынагъандыла. Битеу бирге 180-ге жууукъ спортчу къатышханды.

Тырныауузну В.А. Губанов атлы «Геолог» спорт комплексинде ауур атлетикадан «Спорт терроргъа къажауду» деген чакъырыу бла республиканы биринчилиги бардырылгъанды. Анга Бахсан, Прохладна, Терк, Урван эм Элбрус районладан, Бахсан эм Нальчик шахарладан 15-20-жыллыкъ юниорла къатышхандыла.

Ич ишлени борчларын толтура ёлген аскерчилерини хурметлерине аталып, Тырныауузда  каратеден тёрели турнир бардырылгъанды. Аны Элбрус районну физкультура эм спорт комитети бла ич ишлени жер-жерли бёлюмю къурагъандыла.

Москвада ЦСКА-ны женгил атлетика-футбол комплексинде «Поддубныйни школ гёжеф лигасы» деген аты бла эришиу бардырылгъанды, анга къыралны битеу субъектлеринден жаш спортчула къатышхандыла.

Спортну халкъла аралы устасы Кокаланы Асланны хурметине аталып, Черкесскде каратеден уллу битеукъырал эришиу болгъанды. Анга Россейни 10 регионундан, ол санда Шимал Кавказны республикаларындан, Краснодар крайдан, Кърымдан, Юградан бла талай шахардан 8-17-жыллыкъ жаш эм абадан 470 спортчу къатышхандыла.

Санкт-Петербургда «Шторм» стадионда грек-рим тутушуудан «Восходящие звёзды» деген аты бла эришиу бардырылгъанды. Анга Россейни регионларындан бла жууукъдагъы тыш къыралладан жаш гёжефле къатышхандыла.

Хар ауурлукъ къауумда аслам спортчу тутушханына къарамай, «Эльбрус» спорт школда жарау этгенле майдалла къытхандыла. Алай бла «алтынны» Джуртубайланы Альберт (62кг.) алгъанды. Ол Санкт-Петербургдан, Дагъыстандан бла Белоруссиядан, ахырында уа Ленинград областьдан спортчуланы хорлагъанды. 38 килограммгъа дери ауурлукъда «кюмюшню» Хутуйланы Таулан къытханды. 

Россейни футболдан жаш тёлю «Юг» лигасыны юсюнден айта, «Спартак-Нальчикни» эсгерирге тийишлиди. Команданы матчлары айырмалы эсепле бла бошалмагъан эселе да, эсде къалырча кезиуле уа кёп болгъандыла. yflrussia.ru сайтда аны баш тренери Аскер Кушхов бла интервью басмаланнганды, аны бла газет окъуучуланы шагъырей этерге сюебиз.

Республиканы Спорт министерствосу билдиргенине кёре, бу кюнледе Ярославль шахарда  грек-рим тутушуудан Ярославль областьны ФСБ-ни управлениясыны терроризмге къажау оператив къауумну командири Владимир Лататуевни атына жораланнган тёрели битеуроссей эришиуле ётгендиле. Владимир 16 апрельде 2000 жылда Шимал Кавказда баргъан спецоперацияладан биринде ауушханды. Ары Россейни жыйырма тогъуз регионундан 300-ге жууукъ спортчу къатышхандыла.

«Ладья» шахмат клубда «Биз башхабыз, алай  тенгбиз» регион проектни чеклеринде биринчи дерсле бардырылгъандыла.