Спорт

 Физкультурникни кюнюне аталып, Нальчикде баскетболдан «Оранжевый мяч» деген эришиуле бардырылгъандыла. Турнирни республиканы Спорт министерствосу, бБаскетболдан федерациясы эм спортну бу тюрлюсюнден экинчи номецли школ къурагъандыла. Анга аслам команда – 180 адам – къатышхандыла.

Бахсанда регбиден тёрели эришиу бардырылгъанды, ол спортну бу тюрлюсюню ветераны Михаил Суановну хурметине аталгъанды. Эришиуню шахарны администрациясы, «регбиги Цюг» академиясы бла республикалы федерациясы къурагъандыла.

Таулада чабыуну сюйгенле Минги тауда онунчу «Alpindustria Elbrus Rase» фестиваль бардырылгъанды. Республиканы курортда эм туризм министерствосундан билдиргенлерича, анга 1400-ге жууукъ адам къатышханды.

Гёжефлерибиз, тюрлю-тюрлю эришиулеге къатыша, жетишимлери бла дайым къууандырадыла. Спортда хорламлары бла бирге ала окъуучуларында, ишлеринде да ахшы юлгю кёргюзтедиле. Бу материалда аланы талайыны юсюнден билдирирге сюебиз.

Августну биринчи жарымында Шхельда лагерьни мурдорунда «Къоркъуусузлукъну школу» жаш тёлю билим бериу проектни чегинде башланнган альпинист хазырланыуну курсу бардырылгъанды. Анга Къабарты-Малкъарны окъуучуларындан сора да, Орус география обществону 8 региондан бёлюмлерини келечилери къатышхандыла. Къыралны жер-жерлеринден битеу да 200 заявка келгенди.

Мёчиланы Маликни жашы Магомет Хасания элни 16-чы номерли орта школунда физкультурадан устаз болуп ишлейди. Кеси да устаз юйюрденди. Атасы Малик, жаннетли болсун, кёп жылланы школгъа директорлукъ этип, бет жарыкълы ишлеп тургъанды. Анасы Любовь а кёп сабийни орус тилни бла адабиятны сейир дунияларына тюшюндюргенди. Бусагъат заманда аланы элде ариу сёз бла эсгередиле.

Тырныауузда, саулай Элбрус районда да физкультурагъа не заманда да уллу эс бёлюннгенди. Шахарда «Геолог» эм «Бахсан» спорт комплексле ачылгъанлы уа жарау этерге сюйген сабийлени, абаданланы да саны бютюн кёп болгъанды. Ала спорт заллагъа къарыу алыр, саулукъларын кючлер муратда келгендиле. Алай аланы асламысы эришиулеге къатышыргъа, жетишимли болургъа итиннгенледиле.

Бюгюнлюкде Тырныауузда олимпиада резервли эки спорт школ ишлейди, районну эллеринде аланы бёлюмлери ачылгъандыла. Жараулагъа жюрюгенлени саны 1800-ге жетеди.

СССР-ни спортуну устасы Бабаланы Къууанчны хурметине битеуроссей турнир тёрели халда жыл сайын къуралады. Быйыл ол онжетинчи кере бардырылады. 

Россейде спортну жай тюрлюлеринден спартакиада башланнганды, ол 10 августдан 2 октябрьге  дери бардырыллыкъды. 

  Грозныйде дзюдодан СКФО-ну биринчилиги бардырылгъанды, анга округну регионларындан 18 жыллары толмагъан 600 жаш бла къыз къатышхандыла.