Биринчи сынамлары жетишим бла бошалгъандыКъазанда регбини олимпиада тюрлюсюнден (регби-7) федерал лиганы оюнлары бардырылгъандыла. Анда алчылыкъ ючюн къыралны 11 эм иги командасы эришгендиле. Оюнлагъа Къабарты-Малкъардан «Нарт» команда да къатышханды. Быллай даражалы эриишуде спортчуларыбыз кеслерин биринчи кере сынагъандыла, жетишимли да болгъандыла – ала республикагъа регби-7-ден биринчи доммакъ майдалны келтиргендиле. Биринчи эки оюнда командабыз Санкт-Петербургну «Приморец» клубун 19:7, аны ызындан а Къазанны «Энергиясын» 19:17 эсепле бла хорлагъандыла. Финалны тёртден биринде Москваны «Локомотивин» 40:0 эсеп бла ууатхандыла. Алай финал ючюн тюбешиуде Тёбеу Новгородну «Адмиралына» 12:17 эсеп бла къытдыргъандыла эм аны хатасындан «алтын» ючюн эришалмагъандыла. Болсада ючюнчю жер ючюн регбичилерибиз кючлерин аямагъандыла, ала Йошкар-оладан аллай атлы команданы хорлагъандыла.
Поделиться:
Читать также:
16.05.2024 - 13:22 →
Терк район – биринчи жерде
16.05.2024 - 13:20 →
Спартакиадада сермеширге эркинликни къоруулагъандыла
16.05.2024 - 10:30 →
Жаш гёжефледе – алтын да, кюмюш да майдалла
15.05.2024 - 18:20 →
«Жигитлени къауумунда» - алчыла
15.05.2024 - 18:16 →
Хорламны байрамына – дзюдодан эришиу
|