Медицина оборудованиягъа сурам уллуду

Санкциялагъа да къарамай,   медицина оборудование чыгъаргъан «Севкаврентген-Д» завод бюгюнлюкде къыралда  жетишимли ишлеген предприятияладан бириди.  Къабарты-Малкъарны экономикасын айнытыугъа да къошумчулугъу уллуду.

Завод ишлеп башлагъанлы жюз минг  рентген оборудование чыгъаргъанды. Бусагъатда да  ишин жетишимли бардырады. Аны продукциясы, регионладан сора да,  жууукъ тыш къыраллагъа ашырылады. 

Мында отуз тюрлю  диагностика рентген аппарат чыгъарадыла. Ол санда  рентген  комплексле, рентген маммографла эм элледе бла узакъ жерледе хайырланырча  рентген кабинетле.  

Импортну алышындырыуну чеклеринде  «Севкаврентген-Д» завод медицина оборудованиягъа керекли  комплектле эм башха кёп затла  чыгъарады.   Саулукъ сакълауну болушлукъ берген  биринчи звеносун жангыртыу  федерал  программаны толтурууну чеклеринде ол  стационарланы энчи  оборудование бла жалчытады.