Табийгъат газ атылып ачыгъанланы жашауларына къоркъуу жокъду

Республикалы клиникалы больницагъа табийгъат газ атылып жаралы болгъан ючеуленни  келтиргендиле, аладан бири эр кишиди эм эки тиширыу. Саусузланы бетлери, бармакълары отдан кюйгенди эм бир кесек къыйналып солуйдула, болсада жашауларына къоркъуу жокъду.

Больницагъа келтиргенледен бирлери, анда къалыргъа унамагъанды, къалгъанларын термический жараланы бакъгъан бёлюмге кёчюргендиле. 

Саусузла медицина жаны бла  битеу керекли болушлукъну аладыла, деп билдиргендиле КъМР-ни Саулукъ сакълау министерствосундан. Министерство болумну контрольда тутады.