|
|
Все статьи
12 января, 2022 - 22:01
Республикада акъылбалыкъ болмагъанла, машинаны жюрютюрге эркинликликсиз, жолгъа чыкъгъанлары бла байламлы шартла ачыкъланадыла. Аны юсюнден КъМР-де Ич ишле министерствода бардырылгъан брифингде белгили этилгенди.
12 января, 2022 - 21:49
Къыралны субъектлерини толтуруучу власть органлары товар рыноклада конкуренцияны айнытыу жаны бла 2020 жылда къалай ишлегенлерини эсеплерин чыгъаргъандыла РФ-ни Экономиканы айнытыу министерствосунда.
12 января, 2022 - 21:47
Жангы жылны аллында республиканы Жамауат палатасында Ф.М. Достоевский туугъанлы 200-жыл толгъанына аталгъан «Мой Достоевский» деген конкурсну эсеплери чыгъарылгъандыла.
12 января, 2022 - 21:42
Майкопда тёрели ушуну туйшоу, шуайцзяо и лэйтай бёлюмлеринде Россейни чемпионаты бла биринчилиги бардырылгъандыла.
12 января, 2022 - 21:37
Белгили тюрколог, Халкъла аралы тюрк академияны академиги, КъМР-ни илмусуну сыйлы ишчиси (1986 ж.), филология илмуланы доктору, профессор Гузеланы Магометни жашы Жамалны вузда окъуп башлагъынчы окъуна таныгъанма. Бизни школубузгъа КъМКъУ-ну малкъар бёлюмю жиберген ишлени тамамлап келгенимде, олимпиадалада да кёре тургъанма.
12 января, 2022 - 21:24
Мухаммад файгъамбар, Аллахны саламы анга болсун, бизни Жаратханны сыйлы атларын кёлден билип, аланы санагъан муслийман жаннетге кирликди, дегенди. Сахаба Абу Хурайраны сёзлерине кёре Бухари эм Муслим жазгъан жыйымдыкълада уа былай жазылыпды: «Кертиди, Аллахуталаны 99 сыйлы аты барды – жюзге бири жетмей. Аланы кёлден билген (санагъан) – жаннетге кирликди».
Бюгюн а сизни Саулукъну къайтаргъан деген сыйлы ат бла шагъырей этерге сюебиз. Аны юсюнден «Аль-Азхар» ислам вузну бошагъан, «Ислам а Евразии» газетни баш редактору Аккайланы Хасим айтады:
12 января, 2022 - 15:12
Орус география обществону «Альтаир» жаш тёлю клубуну башчысы Мокъаланы Тенгиз айтханнга кёре, Къабарты-Малкъарны Бахсан ауузунда краеведле къаялада табылгъан суратланы тинтиу бла кюрешедиле. Аланы биринчи 2013 жылда Хапаланы Назир эслеген эди, ол суратланы жууукъ-тенглерине кёргюзте тургъанды. Тарыхчыла бла археологла уа аланы юслеринден кёп болмай билгендиле.
12 января, 2022 - 14:20
Кёп болмай Тырныауузда Отарланы Керимни атын жюрютген 1-чи номерли лицейде «Энчи сабий» ресурс ара ачылгъанлы онбеш жыл толгъанын белгилегендиле. Эсге сала айтсакъ, ол инклюзив амал бла окъутурча сынау халда ишлеп башлагъан эди, бюгюнлюкде уа ишин жетишимли бардыргъан учрежденияды.
11 января, 2022 - 21:13
Миллетибизни сайлама жашлары, къызлары къазауатда, урунууда болсала да, кишиликлери, жегирликлери, адамлыкълары, адепликлери, тизгинликлери бла да атларын айтдыргъандыла, халкъгъа махтау келтиргендиле.
11 января, 2022 - 19:43
Жашауда неден да баш, неден да магъаналы тёзюм болгъанын кимден да ахшы биледи Асият. Бютюнда жашауу экиге бёлюннгенли. Жанына тиедиле нёгерлерини айтылгъан, айтылмагъан да сёзлери. Тынгылайды, сейир эте адам табийгъатына: жюрегинг жалан, жаралы болса, анга тюкюрлюкле топпа-толу кёреме тёгерекде.
11 января, 2022 - 15:18
Ставрополь крайны къазакъланы тарыхларыны мультимедиялы музейини бёлюмлери Къабарты-Малкъарда, Чеченде, Шимал Осетия-Аланияда бла Дагъыстанда ачыллыкъдыла. Бу субъектлени барысында да Къазакъланы Терк аскер обществолары барды. Музейни башчысы Игорь Кочубеев айтханнга кёре, ала ишлерин быйыл сентябрьде башларыкъдыла.
11 января, 2022 - 15:14
«Сабийлери болгъан юйюрлеге къырал болушлукъ этиуню къошакъ амаллары» федерал законну 10-чу статьясына тюрлениуле кийириу» 451-чи номерли федерал законнга тийишлиликде ипотеканы аналыкъ капиталны ахчасы бла тёлерге жарарыкъ организацияланы тизмеси кенгертилгенди.
11 января, 2022 - 11:41
Къабарты-Малкъарны ичи бла баргъан Прохладный–Баксан–Эльбрус А-158 федерал жолну узунлугъу 104 километрди, аны 19 участкасы къоркъуулу жерлеге саналадыла. Жауунла уллу жаугъан кезиуде, суу кётюрюлюп, ырхыла да келип, жолланы бузуучудула. Аны бла байламлы жоллагъа къарагъан «Кавказ» федерал казна учреждение Тырныаууз шахар, Быллым, Бедик, Огъары Бахсан, Элбрус эм Нейтрино эллени тийрелеринде ырхыладан къоруулагъан, битеу да алты километр узунлугъу болгъан бетон къабыргъала сюегенди.
11 января, 2022 - 10:47
Федерал налог службаны КъМР-де Управлениясындан билдиргенлерине кёре, адамланы транспорт средстволарына эмда жеринден тепдирилмеген мюлклерине озгъан жыл ючюн налогланы быйыл жангы тюрлениулеге тийишлиликде тергерикдиле.
11 января, 2022 - 09:46
ТАСС-дан билдиргенлерине кёре, археологла Къабарты-Малкъарны бийик тау районларындан биринде орта палеолитни кезиуюнден къалгъан - 120-70 минг жыл мындан алгъа - неандерталецле тургъан жерни тапхандыла.
11 января, 2022 - 09:43
Гитлерчи Германиягъа да Кавказны нефти артыкъда керек болгъанды. Аны ючюн фашист аскерле Шимал Кавказны зорлаугъа уллу кюч салгъандыла. Душман командование Дондан ётюп, Къобанны, Шимал Кавказны, Азов эм Къара тенгизлени кюнчыгъыш жанларын къолгъа этерге борчла салгъанды аскерчилерине. Ызы бла Кавказ тауланы кюнбатыш эм кюнчыгъыш жанларындан кирип, Закавказьеге, андан ары Тюркге жетерге, бу къыралны да Совет Союзгъа къажау урушха къатышдырыргъа мурат болгъанды.
10 января, 2022 - 21:43
Алгъаракълада чыкъгъан номерибизде тюрк халкъланы миллет тойларында жюрюген тёрелени юсюнден хапарлагъан циклны ачаргъа боллугъун билдирип, къазакълыланы къууанчларыны юсюнден жазгъан эдик. Бу жол а къыргъызлыланы къурманлыкъларыны юсюнден айтырыкъбыз. Къыргъызстанда бюгюнлюкде битеу той адетле сакъланнгандыла дерге да жарарыкъ болмаз, алай тёрели миллет къурманлыкъланы баш магъаналы шартлары уа бу халкъны жашауунда кеслерини сыйлы жерлерин алгъанлай турадыла.
10 января, 2022 - 21:37
ФНС-ни «Налог тёлеучюню энчи кабинетинде» 41,2 миллион инсан регистрация этгендиле. Жаланда озгъан жылны ахыр ыйыгъында аланы санына 200 минг къошулгъанды, деп билдиргендиле Федерал налог службаны КъМР-де Управлениясындан.
10 января, 2022 - 21:36
Быйыл биринчи январьдан башлап, ресторанлада, кафеледе, ашханалада эмда алагъа ушашлы объектледе, сора дагъыда тышына чыгъып адамлагъа аш этиу иш бла кюрешгенле НДС-ни тёлеуден эркиндиле.
10 января, 2022 - 21:30
Прохладна районда «Боевое братство ветеранов» жамауат организацияны, районну прокуратурасыны бла ГИБДД-сыны болушлукълары бла жандауурлукъ иш болгъанды. Ол а «Полициячы Къар Аппа» битеуроссей акцияны чеклеринде бардырылгъанды.
Страницы
|
