Республика конкуренция иги айныгъанланы санына къошулгъандыКъыралны субъектлерини толтуруучу власть органлары товар рыноклада конкуренцияны айнытыу жаны бла 2020 жылда къалай ишлегенлерини эсеплерин чыгъаргъандыла РФ-ни Экономиканы айнытыу министерствосунда. Бизни республика, аны аллында жыл бла тенглешдиргенде, 41 пунктха кётюрюлюп, 23 жерни алгъанды. Шимал-Кавказ федерал округда уа биринчи окъуна болгъанды. Былай алып айтханда, регионда конкуренцияны айнытыугъа битеу къырал эмда жер-жерли власть органла къатышадыла дерге боллукъду. Ол санда районланы, шахар округланы администрациялары, дагъыда жамауат биригиулени, илму эмда излем организацияланы келечилери да, деп чертгендиле КъМР-ни Экономиканы айнытыу министерствосунда. Сагъынылгъан рейтингни жарашдыргъанда, РФ-ни Экономиканы айнытыу министерствосуну методикасы эмда къыралны Правительствосуну бегими бла къабыл этилген стандарт хайырланылгъанды. Аны чыгъаргъан ведомствола аралы ишчи къауумгъа министерствону, ФАС-ны, Россейни Банкыны эмда РАНХиГС-ни келечилери киргендиле.
Поделиться:
Читать также:
27.03.2024 - 19:41 →
Танг кесек консерва чыгъарылады
22.03.2024 - 15:38 →
Эллилеге бла къонакълагъа таплыкъгъа
22.03.2024 - 15:38 →
Кёпюрню къурулушу къыстау барады
22.03.2024 - 15:20 →
Жолла мардалагъа келиширча
21.03.2024 - 09:35 →
Автовокзалны шахардан тышына чыгъарлыкъдыла
|