Жамауат

Бу айда хайырланылгъан электрокючню багъасын келир айны онунчусуна дери тёлерге керекди деп белгилейдиле «Россети Шимал Кавказ» компанияда. Арада ангылашынмагъан хапарла болмаз ючюн счётчикни кёргюзтюулерин ай сайын 23-25 кюнледе ары жиберирге тийишлиди. Алай этилмесе, токну багъасын орта айлыкъ хайырланыугъа кёре тергерикдиле.

Тюнене белгили журналист Токумаланы Зубейирни къызы Лейла аушханы бла байламы аны Яникойда жуукълары, ахлулары эм эллиле да жыйылып асырагъандыла. 

29 сентябрьден башлап, битеу къыралда да #МЫВМЕСТЕ битеуроссей волонтёр къымылдауну регионлада штаблары ачылгъандыла. Аланы келечилери энчи операциягъа къатышханлагъа, мобилизациягъа тюшгенлеге эмда аланы юйюрлерине себеплик этерикдиле, ол санда юридический, психология жаны бла да. Ол  угъай, юй жумушланы толтурургъа, сабийлени эркин заманларын къураргъа, аланы репетиторгъа, паркга окъуна элтирге,  экзаменлеге хазырланыргъа да   болушурукъдула волонтёрла. 

Минги тауну тийресинде 1942 жылда бардырылгъан урушну кезиуюнде жоюлгъан 22 совет аскерчини ёлюклери кёп болмай табылгъан эдиле.

Прохладный  шахарда «Махонька эм аны шуёхлары» деген жандауурлукъ фонд ишин бардырады. 

Тёппеланы Салахны жашы Магомет 1938 жылда Кёнделенде туугъанды. Атасы белгили жарыкъландырыучу, эфенди Атаккуланы Бекболатны къолунда къара таныгъанды. Ызы бла Ленин атлы окъуу шахарчыкъда окъугъанды. Жамауат ишге тири къатышханды, органлада къуллукъ бардыргъанды, Анасы Жанатайланы Аминат юйге, сабийлеге къарагъанды. Ма аллай арбазда ючюнчю сабий болгъанды Магомет. Уруш, сюргюн заманладан Магометни эсинде къалгъаны – анасыны кёз жашлары къурумагъан кёзлери.

Малкъар халкъны махтаулу жашы Байсолтанланы Алим Совет Союзну Жигити деген сыйлы атха  Къабарты-Малкъарда угъай, Шимал  Кавказда да биринчи болуп тийишли эди. Аны батырлыгъыны юсюнден аны таныгъанла айтып тауусалмагъандыла.

Анга Байсолтан улу къуллукъ этген 4-чю гвардиячы авиаполкну штабыны алгъыннгы начальниги Пётр Ройтбергни эсгериулери да шагъатдыла. Бюгюн ала бла окъуучуларыбызны шагъырей этебиз. Материалны бизге Алимни ахлусу Мызыланы Таубий бергенди.

Жарыкъландырыу эмда илму министерствону коллегиясыны кезиулю  жыйылыуу озгъанды. Аны ишине ведомстволу министр Анзор Езаов, «Россельхознадзор  Къабарты-Малкъар референт араны» директору Хаути Сохроков, районлада билим бериу управленияланы, мектеплени келечилери, бирсиле да къатышхандыла. Тюбешиуню кезиуюнде сёз устазланы хазырлауну, билим бериуню игилендириуню юслеринден баргъанды.

Бизни республикада жангыз адамла бек кёпдюле. Аны бла бирге танышыргъа амалла уа аздыла. Аллайлагъа болушлукъгъа деп Нальчикде юйюр къураргъа сюйгенлеге  «Шанс» агентство ишлейди. Бери бизни республикада жашагъан миллетлени келечилери келедиле: биреу бла танышып, заманны оздурургъа угъай, керти жашау нёгер табып, юйдегили болургъа. Биз агентствону таматасы Лариса Маремкуловагъа бир талай соруу  бергенбиз.

Быйыл  республикада мюлклени барында да къыш кезиуде 310 минг чакълы мал кечинирикди. КъМР-ни Эл мюлк министерствосу  муниципалитетлени барында да информацияны тийишдирип  ол кёрюмдюню алай тергегенди.