Жамауат

Нальчикде «Автомобиль транспорт бла байламлы къыйын болумлада къутхарыу ишлени бардырыуда алчы къауум» деген тёрели битеуроссей конкурсну регион кезиую ётгенди. Эришиуле 2 кюнню ичинде от ёчюлтюуючлени  анга деп жарашдырылгъан  бёлюмлеринде бардырылгъандыла.

Гитче шахарлада туризмни айнытыугъа болушлукъ этиуню чегинде 24 регионнга 6 миллиарддан аслам ахча берилликди. Аны мураты туристлени  бай эм сейир тарыхлары болгъан алай аз адам жашагъан жерлени кёрюрге сейирлерин къозгъауду. 

21 февраль ана тилни халкъла аралы кюнюдю. Аны бла байламлы филология илмуланы доктору, профессор Улакъланы Махтини материалын газетни официал сайтында басмаларгъа тийишли кёребиз.

Нальчикни бир-бир предметлени терен окъутхан тогъузунчу номерли мектебинде малкъар тилден бла адабиятдан дерсле берген устазларыбыз дайым да айырмалы болгъанлай келедиле. Аладан бири уа Бийчеккуланы Танзиляды. Ол сагъынылгъан школну башланнган классларына жюрюгенчиклеге дерсле берип келгенли жыйырма жылдан озгъанды, филология илмуланы кандидатыды.

Россейде Кадетлени кюнлерини аллында Нарткъаланы 6-чы номерли орта школунда байрам ётгенди. Урван районда жангыз кадет класс барды. Школну администрациясы чакъырып, жыйылыугъа Росгвардияны Къабарты-Малкъарда управлениясыны келечиси майор Марина Лукожева да келгенди.

Ахыр жыллада Россейде  билим бериу учреждениялагъа чабыуулла бир ненча кере этилгендиле. Сёзге, былтыр Удмуртияда Ижевск шахарда Артем Казанцев   къолуна сауут алып, кийимлеринде да нацист белгиси бла школгъа кирип, от ачханды. Ол сабийлеге къолуна эки керох, алагъа  300 окъ алып келгенин айтадыла право низамны сакълаучула. Мурдар  аладан 60-ын атдыргъандыла. Окълада ол къызыл накъыш бла     «кёрюп болмау» деп жазгъанды.   

Республиканы Курортла эм туризм министерствосундан билдиргенлерине кёре, Техника жумушланы толтуруу эм метрология жаны бла федерал агентствону буйругъу бла туризмни жумушларын тамамлауда  жангы стандарт кийириледи. Анга тийишлиликде къонакъ юйлени къауумлагъа жыйышдырыуда жангы излемле салынадыла.

Кёп болмай Нальчикде  "Радуга" реабилитация арагъа   Запорожье  областьдан ата-аналары бла бирге  саулукъларын  кючлерге онтёрт сакъат сабий келгенди.  Алагъа учрежденияны келечилери  жарыкъ бетден тюбеп, ахшы къонакъбайлыкъ этгендиле. Ол санда тийишли халда реабилитация бардырырча программа да жарашдыргъандыла. Алай бла  ала  мында 21 кюн чакълы турлукъдула. 

Миллетибизде жашауда кеслерини жерлерин табаргъа, хар жаны бла да айныргъа итиннген иш кёллю жашларыбыз бла къызларыбыз кёпдюле. Ол къууандырмай  къоймайды. Мени бюгюннгю жигитим Гуппойланы Зульфия да аллай жигер къызларыбыздан бириди. Ол эрттеден мурат этген, жюреги да тартхан ишни къурагъанды.

Оналтынчы февралдьда Бабугент элде орналгъан орта школда Ата журтну чеклерини тышында кеслерини аскер борчларын толтургъанланы эсгериу кюнюне аталып «Эсде тутуу – Афганистан» деген жыйылыу  бардырылгъанды.