Жолчула къармашадыла

Арт кюнледе къыш къайтып, аслам къар жаууп башлагъаны ючюн жоллагъа къарагъан «Кавказ» Управлениягъа да тирирек болургъа тюшгенди. Аны специалистлери СКФО-да бузкъаудан къысхан автомашинала  жоллагъа 9 минг тоннадан аслам туз-юзмез жайгъандыла. Трассаланы эмда саулай жол инфраструктураны къардан бла буздан тазаларча 150 чакълы машина эмда техника чыгъаргъандыла. Ала белгилени, светофорланы, бурууланы, жол жанланы тазалауда да хайырланыладыла.

Водительлеге бу кюнледе сакъ болугъуз дейдиле Управленияда, машинаны къызыу къуумазгъа, ашыгъыш тыймазгъа, жолну терс жанына чыкъмазгъа кюрешигиз деп чакъырадыла. Жоллада чурум эслесегиз а, аны диспетчер службасына +7 (8793)33-11-59 номер бла сёлешигиз.