«Россети Шимал Кавказ» мобильный приложения къурагъанды

Хайырланыучуланы эркинликлерин къоруулау жаны бла Битеудуния кюнню белгилеуню чеклеринде «Россети Шимал Кавказ» компания «Свет онлайн» деген приложение чыгъаргъанды. Аны хайырындан адамла электрокюч бла жалчытхан предприятияда жумушларын терк эмда женгил тамамларгъа боллукъдула.

Мобильный приложение Къабарты-Малкъарда, Къарачай-Черкесде, Шимал Осетияда, Ингушетияда эмда Дагъыстанда жашагъанлагъа деп этилгенди. Анга кирип, ток ючюн тёлерге, счётчикни кёргюзтюулерин жиберирге эмда аланы кёз туурада тутаргъа боллукъду.

Регистрацияны ётгенден сора «энчи кабинетде» лицевой счёт, ары дери тёленнген ахча эмда къаллай бир ток кюйдюрюлгени кёрюнюрюкдю. Айтылгъаныча, ары счётчикни кёргюзтюулерин жиберирге эмда квитанцияны жарашдырыргъа да боллукъду. Токну багъасын онлайн-халда тёлейме дегеннге да аллай амал берилликди.

Приложенияны GooglePlay эм AppStore сервиследе излегиз.