Жангылыкъла

Республиканы Курортла эм туризм министерствосундан билдиргенлерине кёре, къонакъ юйлени эмда адамланы сыйындыргъан башха жерлени терроризмден къоруулау жаны бла жорукълагъа тюрлениуле кийирилгендиле

Газетибизде алгъаракълада билдиргенибизча, Россейни Къырал байрагъыны кюнюнде белгили спортчу альпинизмден спортну устасы, скайраннингден бла ски-альпинизмден къыралны чемпиону Виталий Шкель Минги таугъа чабыуда рекорд тохташдыргъан эди.

Жыл сайын Къабарты-Малкъарны  питомнигинде миллионнга жууукъ терек бла юлкю зыгытла  ёсдюрюледи. Аланы иги кесеги агъач фондну айнытыргъа хайырланыладыла.

Курортла эм туризм министерстводан билдиргенлерине кёре, «Радуга» реабилитация арада къууанчлы халда аквапарк ачылгъанды.

Къабарты-Малкъарны ветеринария службасыны баш борчу – республиканы тийресин мал аурууладан къоруулауду, аланы жайылыуларына чек салыуду эмда малчылыкъ продукцияны качествосуна контроль этиудю. 

Черек районну жаш тёлю арасы тири жаш адамланы сейир турист тюбешиуге къошулургъа чакъырады.

Инсанланы бир-бир къауумларын ишге алгъанлагъа Россей Федерацияны Социал фондуну Къабарты-Малкъарда бёлюмю талай жаны бла себеплик этерге боллукъду. Ведомстводан билдиргенлерине кёре, анга ма была тийишлидиле: предприятияла бла организацияла, энчи предпринимательле, коммерциялы болмагъан эмда сакъатланы битеуроссей жамауат организациялары.

Келир жыл 20 январьдан башлап 14 жыллары толмагъан инсанладан ала Россейге къайтып келгенлеринде эмда тышына кетгенлеринде изленнген документледен аланы туугъанлары бла байламлы свидетельство кетерилликди. Анга кёре, «Россей Федерациягъа келиу эмда андан кетиу» законнга тюрлениуле кийирилгендиле, деп билдиргендиле Къабарты-Малкъарда МФЦ-дан.

Августда Социал фондну регионда бёлюмю 2024 жылда ишлеген абаданланы пенсияларыны страховой кесеклерин кёбейтгенди. Алай бла жыл санлары жетип неда сакъатлыкъ бла пенсия алгъан 37 минг инсанны тёлеулери уллуракъ болуп келликдиле. 

Бу кюнледе Къабарты-Малкъарда  билим бериу жаны бла «Единый Кавказ» деген ат бла бардырылгъан  медиафорум кесини ишин  жетишимли бошагъанды. Аны  КъМР-ни Жаш тёлюню ишлери жаны бла министерствосу  «Жаш тёлю эм сабийле» деген миллет проектге тийишлиликде  Росмолодёжьну «Регион для молодёжи» деген программасыны чеклеринде къурагъанды.