Жангылыкъла

СЫЙЛЫ ЖАМАУАТ!

Биз «ЗАМАН» газетни бетлеринде республикабызда тамамланнган ишлени юсюнден билдириуле  жазабыз, халкъыбызны тарыхыны, маданият хазнасыны, къууанчларыны, жарсыуларыны, ниетлерини бла муратларыны юсюнден да материалла басмалайбыз. Малкъар халкъны  айтхылыкъ эм белгили адамлары унутулуп къалмазларыны къайгъысын кёребиз, алагъа махтау беребиз. Жаш тёлюбюз окъуулу, адепли, жетишимли болуруна себеплик этерге, аны огъурлу жумушлагъа кёллендирирге итинебиз. Ахшы адет-тёрелерибизни, ана тилибизни сакълаугъа энчи эс бёлебиз.

РусГидро компанияны Къабарты-Малкъарда бёлюмю бу кюнледе Нальчикде маданият айнытыу Арада ачыкъ дерс бардыргъанды. Анга жарым жюзден артыкъ школчу къатышханды. Сабийлеге энергияны аяуну юсюнден Аслан Кашежев хапарлагъанды.

Къабарты-Малкъарда жолланы жангыртыу бла байламлы миллет проект ахырына жетдирилгенди.

КъМР-ни Башчысы Казбек Коков Табийгъат байлыкълагъа надзорлукъ этиу жаны бла федерал службаны Шимал-Кавказлы регионла аралы управлениясыны оноучусу Эрик Алдатов бла ишчи тюбешиу бардыргъанды. Аны юсюнден КъМР-ни Башчысы Казбек Коков кесини телеграм-каналында билдиреди.

Хурметли жамауат!  

 «Заман» миллетибизни жангыз газетиди. Ол халкъны къыраллыгъыны бир белгисиди. Аны бетлеринде малкъар халкъны маданиятыны, тарыхыны, бюгюннгю жашаууну, айтхылыкъ адамларыны, жетишимлерини эмда жарсыуларыны юсюнден басмаланнган материалланы сиз бир башха жерде табаллыкъ тюйюлсюз.

 Май районда Россейде рентген оборудование этген белгили  «Севкаврентген — Д» завод узакъдан ишлетирге жарагъан управлениясы бла   „Парус“  рентген-аппаратны  чыгъарып башларыкъды. Ол  женгил эм ишлерге да тап устройстводу.  Аны бла  травматология, ортопедия, хирургия жаны бла саусузлагъа къараргъа жарарыкъды. 

Кёп болмай Чегем районда биринчи кере жангы Жаш тёлю ара ачылгъанды. Аны къурулушун   «Жаш адамлагъа регион" деген битеуроссей конкурсда хорлагъанларындан сора бардырыргъа онг табылгъанды. 

Кёп болмай «Россия» авиакомпанияны хауа кемеси  Санкт-Петербургдан "Нальчик" халкъла аралы  аэропортха  биринчи тюзюнлей рейс этгенди.  Ол КъМР-ни Башчысы Казбек Коковну, КъМР-ни, Санкт-Петербургну Правительстволарыны,   «Аэрофлот» эм   «Новапорт» биригиулени башламчылыкълары бла ачылгъанды.

Битеуроссей халкъ фронтну Къабарты-Малкъарда бёлюмюню келечилери, республиканы  Транспорт эмда жол мюлк управлениясыны специалистлери бла бирге «Къоркъуусуз эмда тынгылы автомобиль жолла» миллет проектге кёре ремонт этилген жоллада болуп, аланы болумлары бла шагъырейленедиле.

Келир жылда  Лескен районда «Къоркъуусуз эм тынгылы автомобиль жолла» миллет проектге кёре,  «Лескен-I-Огъары Лескен-Ташлы-Тала-Хазнидон» жолгъа тынгылы ремонт этилликди. Аны узунлугъу 3,1 километрге жетеди.