Жангылыкъла

Россейни «Эл жерлени комплексли айнытыу» деген къырал программасына кёре  Элбрус элде  Маданият юй ишленеди.

Къабарты-Малкъарда кёкшууну ёсдюрюп талай жыл мындан алгъа башлагъандыла. Бирле аны кеслерини бахчаларында саладыла, башхала уа юлкюлени аслам халда орнатадыла. Аллай жерлени ёлчеми 170 гектардан озгъанды, дейдиле республиканы Эл мюлк министерствосунда.

Къабарты-Малкъарны Курортла эм туризм министерствосундан билдиргенлерине кёре, Минги тауда ёрлеулени эсеплеген дунияда биринчи счётчикни орнатырыкъдыла.

«КИФ 2024» форумда «Кавказны жаяу жоллары бла. Тенгизден тенгизге дери тау жолла бла» деген сессия болгъанды. Анга къатышханла жангы законопроектни къалай толтургъанларыны, къаллай чурумлагъа тюбегенлерини юслеринден билдиргендиле. Къабарты-Малкъарны атындан анга курортла эм туризм министрни орунбасары Шауаланы Ислам къатышханды.

Бусагъатда Къабарты-Малкъарда малланы иги кесеги жайлыкълада кечинедиле. Белгилисича, тау бетледе эм эл тийреледе отлагъан ийнеклени сютлерине да иги къошулады. Аны бла бирге аны къурамы да игилендириледи.  

Быйыл «Россети Северный Кавказ» – «Каббалкэнерго» биригиуню кючю бла 250 километр чакълы бирде тюрлю-тюрлю класслы ток баргъан (ЛЭП) ызла жангыртыллыкъдыла. Ол санда 131 километрде тышларында изоляциялары (СИП) болгъанла тартыллыкъдыла.

Жыл башланнганлы «Россети Северный Кавказ» «Каббалкэнерго» биригиуде ишлеген 920 чакълы специалист сынамларын ёсдюрюрча, квалификацияларын кётюрюрча курсланы ётгендиле.

Тёлеулени къыйналмай «Россети Северный Кавказ» биригиуню телефонлада «Свет онлайн» приложениясы бла тамамларгъа онг барды. Ол санда эсеплеген приборну показанияларын компаниягъа жиберирге, борчну юсюнден эм башха заманлада тёлеуле да къачан этилгенлерин билирге жарайды. 

 Интернет бла кюреше билмегенле уа аны почтаны бёлюмлеринде эм энергокюч компанияны офислеринде комиссиясыз тамамларгъа боллукъдула.

Эсге сала айтсакъ, сагъынылгъан сервис ишлегенли республикада аны хайыры бла 78 минг абонент 85 миллион сом ётдюргендиле.

Россейни МЧС-ини радиация, химия эм биология къоркъуусузлукъну жалчытыугъа жууаплы къуллукъчуларыны битеуроссей жыйылыулары болгъанды. Анга ведомствону ара аппаратындан эм жер-жерли бёлюмлеринден 120-дан аслам адам къатышханды

Республиканы тийресинде орналгъан къызыу кюнле бла байламлы, къургъакъ кырдык жаннганы бла байламлы, от ёчюлтюучюлеге арт эки-юч кюнде 11 чакъырыугъа чыгъаргъа тюшгенди, деп билдиреди РФ-ни МЧС-ини КъМР-де  Баш управлениясыны пресс-службасы. Жылны аллындан бери уа ол кёрюмдю 481 кереге жетгенди.