Календарь событий

Тансыкъма мен санга… Ол тансыкълыкъдан къутулуу амал жокъду, не медет. Жердеги жашаудан бир такъыйкъагъа ычхынып, алыкъа жулдузлагъа учаргъа бир жаны болгъан затны да къарыуундан келмегенди. Сен а ызлагъанса башха жол, керти дунияны этеклеринде. Къаллай бир ёмюр ётген болур, къаллай бир акъылман кюсеген болур андагъы жорукъну кёрюп къайтыргъа  билмейме.

Россейни  ФСИН-ини  КъМР-де Управлениясыны  жылны озгъан тогъуз айында  ишини эсеплери чыгъарылгъандыла, къалгъан айлагъа борчла белгиленнгендиле. Анга аталгъан коллегияны ишине ведомствону  бёлюмлерини, службаларыны  таматалары, тюзетиучю колонияланы башчылары  да  къатышхандыла. Жыйылыуну  УФСИН-ни начальниги, ич службаны полковниги Аслан Лихов бардыргъанды.

    Къашхатауда Уллу Ата журт урушну кезиуюнде бу эл ючюн  душман бла къазауатха кирген  37-чи аскерни 2-чи стрелковый гвардиячы дивизиясыны 350 аскерчиси асыралгъанды. Ол жерге жолну ханс басмайды, ары адамла ёлгенлеге баш урургъа, гюлле салыргъа терк-терк келедиле. Ма бу кюнледе да алайны кёпле жокълагъандыла, аланы араларында  районну эмда элни  администрацияларыны келечилери,  учреждениялада бла организациялада ишлегенле, право низамны  сакълаучу органлада къуллукъ этгенле, эллиле да бар эдиле.

Элбрус районда халкъгъа социал жумушла тапдыргъан комплекс араны ол жанлы жумушла тапдыргъан биринчи номерли бёлюмюню  таматасы Элмурзаланы Лиза быйыл да былтыргъы жылдача къыралда бардырылгъан «Социал жумушла тапдыргъан махкемени эм иги ишчиси» деген эришиуню  республикалы урумунда заведующийлени араларында алчы болгъанды. Битеуроссей конкурсну  финалында  кесини номинациясында экинчи жерге чыкъгъанды. 

 Роспотребнадзорну Къабарты-Малкъарда Управлениясында организацияланы, предприятияланы, жамауат биригиулени башчыларына, предпринимательлеге бирле аланы атындан сёлешип, ол неда бу жумушну тындырыргъа  ахча излегенле хыйлачыла болгъанларын билдиредиле.  

Санларында къыяулары болгъан адамла  жашауларында тюрлю-тюрлю чырмаулагъа тюбейдиле. Социал страхованияны фонду  аллайланы жашауларын бир кесек окъуна да тапландырыр, женгиллетир ючюн, кесини энчи къыйынын  къоша, аланы техника амалла, санатор-курорт  багъыу амалла бла да жалчытады. Инвалидлени не жумушлары эмда къалай тамамланылгъанларыны юсюнден  бизге  РФ-ни  Социал страхованияны фондуну  регион бёлюмюню башчысы  Джульетта  Устова толу хапар айтханды. 

Нальчик шахар округда тротуарланы жангыртыу эмда тапландырыу ишле андан ары бардырыладыла. Мэриядан билдиргенлерича, бу кюнледе Ленин атлы проспектни Тлостанова орам эм КъМКъАУ бла чекленнген кесегинде мадар этиле турады. Жол къурулушчула аны чачып, мурдорун тынгылы кючлендириу эмда бордюрланы алышындырыу бла кюрешедиле. Ызы бла жангы асфальт саллыкъдыла. Алайда хар нени да бу кюнледе битдирирге умут этиледи.

Эсигиздемиди, «Жомакъны  дуниясында къонакъда» бериулени? Аны бардыргъан Валентина Леонтьеваны хар шабат кюн биз къалай сакълаучу эдик? «Жаныуарланы дуниясында» деген бериуню уа? СССР – ни бек кючлю театрларыны спектакльлери да ёмюрге эсибизде къалгъандыла. Хар юйде ингир сайын битеу юйюр жыйылып къараучу эдик телевизоргъа. 

Къабарты-Малкъарны  Электрокюч бла ышаннгылы жалчытыу жаны бла штабы  отлукъ-энергетика комплексни  предприятиялары къышха къалай хазырланнганларын  сюзгенди, деп билдиргендиле КъМР-ни Промышленность, энергетика эмда сатыу-алыу министерствосундан.

РФ-ни Ич ишле органларында ишлегенлени кюнюне  

Жашууланы Исмайылны жашы Хызыр жашаууну 41 жылын ич ишле органлагъа жоралагъанды. Ол окъуудан сора КъМР-де МВД-ны Эксперт-криминалистика бёлюмюне ишге келип, аны башчысына дери ёсгенди,   артыкъда уллу, халкъны чамландыргъан аманлыкъланы тинтгенди.  Атасындан ёксюз къалгъан, интернатда ёсген   жашха быллай бийиклеге жетген, сёзсюз, алай тынч болмагъанды. 

«Россети Шимал Кавказ» компанияны Къабарты-Малкъарда бёлюмюнде – «Каббалкэнергода» баланс комиссияны кенгеши бардырылгъанды бу кюнледе. Анда адамладан ток ючюн тёлеулени жыйыуда болумну юсюнден сёлешгендиле, кёрюмдюлени игилендирир амалланы да белгилегендиле, деп билдиргендиле бёлюмню пресс-службасындан.

Черек районну 500  аслам окъуучусу профилактика жумушлагъа къатышхандыла.

Къабарты-Малкъарны Жамауат  палатасыны АПК-ны эмда эл тийрелени айнытыу комиссиясы бу кюнледе Бахсан районну администрациясында жыйылыу бардыргъанды. Анга комиссияны, КъМР-ни Эл мюлк министерствосуну, районну эл мюлк, аш-азыкъ эмда жер бла байламлы халланы  Управлениясыны келечилери, аграрийле къатышхандыла. Кенгешде бизни республикада терек бахчачылыкъны эмда тахта кёгетчиликни айнытыуну юсюнден сёлешиннгенди, деп билдиргендиле муниципалитетни администрациясыны пресс-службасындан.

 Уллу Хорламны 75-жыллыгъына             
Жер башында ары дери бир заманда да болмагъанча кёп къан тёгюлген, кесини отунда он миллионла бла адамланы кюйдюрген уруш бошалгъанлы эки жыйырма бла онтёрт жыл озду. Жюрекле уа бюгюн да тараладыла. Жашларыны, эрлерини, къарындашларыны къадарларыны юсюнден жукъ билмей, аладан хапар эшитирге термиле,  дуниядан кетдиле кёп тиширыула. «Тиширыула» деп айырып айтханлыгъым – ала бушууну бек къыйналып кётюргенлери, ёлюп кетгинчи унутмагъанлары ючюндю.