Политика

КъМР-ни Башчысы Казбек Коков республикада коронавирус инфекциядан ауругъанланы саны ёсюп баргъаны бла байламлы Къабарты-Малкъарны жеринде бир-бир ишлеге чек салыу мадарланы кючлендириуню юсюнден указгъа къол салгъанды. Ол 2021 жылны 15 октябринден башлап кючюне киреди.   

Къабарты-Малкъар Республиканы Башчысы К.В. Коковну Право низамны сакълаучу органлада къуллукъ борчларын толтура тургъанлай ёлгенлени эсгериуню кюню бла байламлы обращениясы.

Тюнене Къабарты-Малкъарда 2005 жылда 13 октябрьде Нальчикге террорчулукъ чабыууллукъ этилгенде ёлген полициячыланы эсгергендиле. Ол ишлеге КъМР-ни Башчысы Казбек Коков да къатышханды, ол къуллукъ борчларын толтура жоюлгъанланы эсгертмелерине гюлле салгъанды.

КъМР-ни Башчысы Казбек Коков бла РФ-ни ФСБ-сыны КъМР-де Управлениясыны начальниги Сергей Воронин Терроризмге къажау миллет комитетни видеоконференция халда бардырылгъан жыйылыууна къатышхандыла. Ол Москвада Россейни ФСБ-сыны директору Александр Бортниковну башчылыгъында ётгенди. Анда Шимал Кавказда террорчулукъ къоркъуудан сакъланыуну эмда регионда терроризмге къажау кюрешни кючлендириуню амаллары сюзюлгендиле.

КъМР-ни Башчысы Казбек Коков РФ-ни Къырал Советини къурулуш эмда ЖКХ жаны бла комиссиясыны жыйылыууна къатышханды. Кенгешни комиссияны башчысы, Татарстанны Президенти Рустам Минниханов бардыргъанды. Анда жашау журтла-коммунал мюлк бёлюмге оноу этиуню игилендириуню амаллары сюзюлгендиле.

РФ-ни Федерация Жыйылыууну Федерация Советинде Евразиялы тиширыу форумну совети  «Россей – онгланы къыралы» президент платформаны «Сенеж» управлениясыны мастерскою бла бирге «Компас женского лидерства #МягкаяСила» деген кюндюзгю марафонну ётдюргенди. Аны мураты -регионлагъа, саулай къыралгъа да магъаналы борчланы сюзергеди, жетишимли оноучуланы юлгюлерин, ала жашауда бардыргъан проектлени да кёргюзтюргеди.

Бу кюнледе Нальчикде Келишиулюкню майданында  КъМР-ни Къырал автоинспекциясыны келечилерине 41 жангы  Hyundai Solaris патруль машина берилгенди. Ала жангы излемлеге толу келишедиле, алай эсе уа, жоллада право низамны сакъларгъа уллу себеплик этерикдиле. Бу иш федерал эм миллет проектлени чеклеринде тамамланады. Аны юсюнден бизге ведомствону пресс-службасындан билдиргендиле.

Къабарты-Малкъар Республиканы Башчысы Казбек Коков республиканы район битеулю билим берген учрежденияларына 30 школ автобусну ётдюргенди. Бюгюнлюкге республиканы билим бериу организацияларында 152 школ улоу барды, 8 800 школчу окъугъан жерлерине эм андан артха жетдирилиу бла жалчытылыныпдыла. Сабийлени дерслеге энчи автотранспорт бла жетдирирге республиканы 118 битеулю билим берген организацияларыны, аланы асламысы элледе, ол санда узакъдагъылада, орналыпдыла, онглары барды.

Къабарты-Малкъарны Башчысы Казбек Коков жангыртылып башланнган Прохладный-Эльхотово жолгъа барып къарагъанды. Бу объектни узунлугъу 9,4 километрди болады. Ол Майский бла Прохладный шахарланы байлайды.

КъМР-ни Башчысы Казбек Коков эл мюлк бёлюмде ишлегенлени Къабарты-Малкъар Республиканы къырал саугъалары бла белгилеуню юсюнден указгъа къол салгъанды.

Эл мюлкню айнытыугъа уллу къыйын салгъанлары эм кёп жылланы бет жарыкълы уруннганлары ючюн «Къабарты-Малкъар Республиканы эл мюлкюню сыйлы ишчиси» даражалы ат чекленнген жууаплыгъы болгъан «Восход» биригиуню генеральный директору Олег Кеферге, энчи предприниматель, крестьян (фермер) мюлкню таматасы Салим Небежевге, Урван муниципал районну жер-жерли администрациясыны башчысыны орунбасары Жираслан Тхостовха берилгенди.