Къайда къыйын эсе да, андадылаБюгюн биз билген Излеу-къутхарыу служба Россейде 1992 жылда 28 июльда къыралны Граждан къорууланыу, къыйын болумла эм аланы кетериу жаны бла комитетни къауумунда къуралгъан эди. Ол кезиуде ары 35 туристлени бла альпинистлени къутхарыу службаладан, пунктладан эм араладан 35-си кирген эдиле, деп билдиреди РФ-ни МЧС-ини КъМР-де Баш управлениясыны пресс-службасы. Шёндюгю службаны мурдорун а регионлу излеу-къутхарыу отрядла къурайдыла. Ол къауумлада 4800 адам барды. Ала барысы да ишлерин билген усталадыла. Терс-Къолда орналгъан бийик тау къутхарыу отряд а къыралыбызда бек кючлюледен бириди. Анга таматалыкъ халкъла аралы класслы къутхарыучу, РФ-ни Сыйлы къутхарыучусу Гулийланы Абдуллах таматалыкъ этеди. Бу къауум саулай да республикада ишлейди. Ол санда Кавказ тауланы тизгининде да. Россейдеги бешмингликледен жетиси анда орналадыла. Дагъыда бу къауумну келечилери бу тийреде жашагъанланы бла солургъа келгенлени да къоркъуусузлукъларын жалчытадыла. Къыйын турист маршрутлада дежурный пунктла ишлейдиле. Къутхарыучула альпинизмни тюрлюлеринден бла тау лыжаладан усталадыла. Саулайда бюгюн отрядда 90 адам ишлейди. Аладан 68 аттестацияны ётгенледиле. Аладан бешиси «Халкъла аралы класслы къутхарыучу», тёртюсю «Россейни сыйлы къутхарыучусу» эм тогъузусу «КъМР-ни сыйлы къутхарыучусу» деген даражалы атланы жюрютедиле. Жылны аллындан бери отряд Минги тауну тийресинде 49 къутхарыу операциягъа чыкъгъанды. Аланы кезиулеринде 44 адамны жанлары сакъланнганды. Ала ишлерин къыйын табийгъат болумлада тамамлайдыла.
Поделиться:
Читать также:
21.05.2024 - 10:30 →
Жаш кинорежиссёрланы жетишимлери
21.05.2024 - 09:05 →
«Гитчелигинде окъуна ёз жерине сюймеклигин аламат суратлап тургъанды»
20.05.2024 - 19:08 →
Жашау а, къыйын эсе да, барады
20.05.2024 - 09:00 →
Тыш къыраллагъа къалай барыргъа боллукъду?
19.05.2024 - 09:05 →
Сюймеклик эмда хурметлик
|