|
|
Все статьи
30 октября, 2020 - 16:35
Россельхозбанкны отраслевой экспертиза этиу арасы бизни къыралда алмала сатыу рынокну онгларын сюзгенди. Терк айныгъан терек бахчала проектлери бла белгиленнген кюч бла ишлеп башларыкъларына кёп къалмагъанын эсге алып тергегенде, 2024 жылда быллай продукцияны производствосу 1,2 миллион тоннагъа жетерге ушайды. Андан бир миллиондан аз-маз асламырагъын а ахыр беш жылны ичинде къуралгъан бахчала берликдиле, деп билдиргендиле Арадан.
30 октября, 2020 - 16:30
Бизни республиканы хакъсыз юридический болушлукъ бериу жаны бла эркинликлери 2014 жылда 31 декабрьде чыгъарылгъан 76-РЗ номерли республикалы закон бла эмда республиканы Правительствосу къабыл этген жорукъла бла белгиленедиле. Алагъа тийишлиликде, КъМР-ни Урунуу, иш бла жалчытыу эмда социал къоруулау министерствосундан билдиргенлерине кёре, республикада хакъсыз юридический болушлукъ былагъа бериледиле:
30 октября, 2020 - 15:33
Нёгерланы Русланны жашы Алим бюгюнлюкде Москвада ишлейди. Ол косметологду эмда дерматовенерологду. Адан сора да, «Эксперт» деген илму-саулукъландырыучу араны консультантыды. Инъекцияланы эмда аппаратланы хайырланнган методикала жаны бла сертификаты болгъан специалистди.
30 октября, 2020 - 15:30
Кёп болмай Россейни Эл мюлк министерствосунда видеоконференция халда селекция эм урлукълукъ жаны бла координация советни кенгеши бардырылгъанды. Анда баш тема къыралны аграрчыларын тахта кёгетлени качестволу урлукълары бла жалчытыу болгъанды, деп билдиредиле КъМР-ни Эл мюлк министерствосуну пресс-службасындан.
30 октября, 2020 - 15:25
КъМР-ни Къыраллыгъыны жюз жыллыгъына
Жюз жыл мындан алгъа – 1920 жылда 24 мартда Малкъарда бла Къабартыда къызыл аскерлени болушлугъу бла совет властьны кючю жангыдан тохташдырылгъанды.
30 октября, 2020 - 15:25
Къулийланы Къайсын – бийик тау тёппелеге, чууакъ кёкге, шорхулдагъан таза черекге ушагъан уллу поэт. Аны суратын, сыфатын шарт, туура кёргюзтюрча не хазна сёзле табалырбыз. Алай аны жашауу, поэзиясы бизге, саулагъа, не заманда да бийик юлгюлей къаллыгъы уа хакъды.
30 октября, 2020 - 15:22
Бу кюнледе Грозныйде Миллет театрланы «Федерация» экинчи Битеуроссей фестивальларыны къууанчлы халда жабылыуу къуралгъанды. Жыйылыу Дагун Омаев атлы дворецде къуралгъанды. Аны бардыргъанла РФ-ни сыйлы артисткасы Ольга Кабо эм РФ-ни халкъ артисти Валерий Баринов болгъандыла. Ары Чечен Республиканы маданият министри Хож-Бауди Дааев, региондан къуллукъчула, хурметли къонакъла да келгендиле.
30 октября, 2020 - 15:18
Коронавирус бла байламлы жашауубузда уллу тюрлениуле бола барадыла. Производстволаны, адамла солургъа сюйген кафелени ишлерине жангыдан энчи чекле салыннгандыла. Бирле бу мадарланы тынч кётюре эселе да, башхалагъа ала къыйыныракъ кёрюннгендиле. Кюз келгени, сезион ауруула къозгъала башлагъанлары бла адамладан сакълыкъ жангыдан изленеди. Газет окъуучуларыбыз а салыннган чеклеге къалай къарагъанларын, профилактика мадарланы къалай сакълагъанларын билир муратда, биз соруу бардыргъанбыз. Бюгюн аланы жууапларын эсгертирге излейбиз.
30 октября, 2020 - 15:12
КПРФ-де айтхылыкъ культура эм искусство ишчилеге Ленин атлы премияны жангыдан берип башлауну юсюнден оюм барды. Жууукъ заманда бу башламчылыкъны партияны Ставрополь крайда бёлюмюню башчысы Виктор Гончаров коммунистлени тинтиулерине чыгъарлыкъды. Ала оюм этген этгенден, ахча саугъаны ёлчеми бирден беш миллионнга дери жетерге керекди, ол кеси да конкурс халда берилликди.
30 октября, 2020 - 15:05
Сабийлигибизде аммаларыбыз сауутланы башларын таза быстыр бла жапханы, бизден да аны излегени кёплени эсинде болур. «Мамырлыкъ» жандауурлукъ фондну башчысы Ахматланы Назир хажини ангылатханына кёре, ол унутулгъан сюннетди.
30 октября, 2020 - 14:47
Къыш келирге алай кёп къалмагъанды. Машиналары болгъанла, бютюнда эсли водительле, анга аллындан окъуна хазырланып башлаучудула. Техниканы эм биринчиден чархларын алышындырыргъа керек болады. Аны бла бирге уа, машинаны мияласын жуугъан бузламаучу сууну да къуяргъа.
30 октября, 2020 - 14:03
Хар юйге да огъурлу къонакъча кирсин!
Хурметли жамауат!
«Заман» газетге 2021 жылны биринчи жарымына жазылыу андан ары бардырылады.
Энди да сиз ана тилибизде чыкъгъан газетни алырсыз, окъурсуз, ол хар биригизни да эсли кенгешчигиз, керти хапарчыгъыз, огъурлу сёз нёгеригиз болуп турур деп ийнанабыз. Бу магъаналы жумушну болжалгъа салмагъыз!
30 октября, 2020 - 08:19
Бизни не заманда да халкъдан ыспас алып, сюйген ишлерин бет жарыкълы тамамлагъан врачларыбыз аз тюйюлдюле. Аланы болушлукълары кёп юйюрлени умутларын юзмеге себеплик этгенлей келеди. Аллайларыбыздан бири Нальчикде «Элифия» клиниканы баш врачы Шауаланы Венерады.
28 октября, 2020 - 20:40
Бюгюннгю хапарым жашау берген насып,къыйынлыкъ да бирге жюрюргенлерини юсюнденди. Тюз сайлау этсенг окъуна, низамлы, адепли болсанг да, насыплымы – насыпсызмы боллукъса, белгисизди. Аналаны айтханларын, ала юйретгенни бир -бир сабийле сансыз этип къоядыла. Артдан а кеслери атала эм анала болгъанларында, ангылайдыла терсликлерин, кеч болады ансы. Аналары жашаудан кетгенден сора, аладан кечгинлик тилер амаллары да болмай, кёплени жюреклери кюйгенлей турады жашауда.
28 октября, 2020 - 20:20
Былтырны эсеплерине кёре Россейде жыл сан жетгени бла берилген пенсия орталыкъ ёлчемде 15,5 минг сомгъа жетгенди, сакъатлыкъ эм жалчытхан адамны ёлюую бла байламлы уа 14,16 минг болгъанды. Ол кёпмюдю огъесе азмыды? Ким бла эм не бла тенглешдиргеннге кёре. СССР-ни заманларында бир юйюрча жашагъан республикала бла тенглешдириуню тюзюрекге санаргъа боллукъду. Материал «Аргументы и факты» газетде тинтиулеге кёре жарашдырылгъанды.
28 октября, 2020 - 18:19
Адам улу бу дуниягъа Аллахуталагъа табыныр, анга баш урур ючюн жаратылгъанды. Аны юсюнден Къуранда былай айтылады: «Мен жинлени бла адамланы ала манга табыныр ючюн жаратханма» (С 61:56). Бу статьяда уа аллай табыныуну бир амалыны юсюнден айтыргъа сюебиз. Ол шёндюгю заманда унутула барады дерге да боллукъду – ауругъан адамны сурай барыу. Ислам алимлени асламы аны сюннетге санайдыла, муслийман толтурургъа керекли иш болгъанын белгилейдиле. Башхалары уа борчха окъуна чыгъарадыла.
28 октября, 2020 - 14:01
Хар юйге да огъурлу къонакъча кирсин!
Хурметли жамауат!
«Заман» газетге 2021 жылны биринчи жарымына жазылыу андан ары бардырылады.
Энди да сиз ана тилибизде чыкъгъан газетни алырсыз, окъурсуз, ол хар биригизни да эсли кенгешчигиз, керти хапарчыгъыз, огъурлу сёз нёгеригиз болуп турур деп ийнанабыз. Бу магъаналы жумушну болжалгъа салмагъыз!
28 октября, 2020 - 12:41
Сабий оюнланы тюрлюлери
Таулу сабийле сюйюп ойнагъанладан бири «Бугъунуч» болгъанды. Анга алты-жетижыллыкъладан башлап къатышхандыла. Аны ингирден кеч къарангыгъа дери ойнайгъандыла.
28 октября, 2020 - 12:37
Шимал Кавказ федерал округну стратегия эм инвестиция жаны бла айнытыу департаментини таматасыны орунбасары Сослан Абисалов эм Россейни экономика айнытыу министерствосуну тыш жерле бла сатыу-алыу бардырыу академиясыны (ВАВТ) тамата илму къуллукъчусу Мария Горячко Эки кюнлюк командировка бла Къабарты-Малкъарда болгъандыла. Аны юсюнден КъМР-ни Экономика айнытыу министерствосуну пресс-службасындан билдиргендиле.
28 октября, 2020 - 12:35
«Газпром газораспределение Нальчик» кёк отлукъ баргъан объектлени 2020-2021 жыллада кюз эм къыш кезиулеге хазыр этгенди, деп билдириледи компанияны пресс-службасындан.
Страницы
|
