Спорт

Нальчикде встестилевой каратеден республиканы биринчилиги къуралгъанды, анда аскер искусстволадан «Барс-Тырныауз» академиясыны келечилери жетишимли болгъандыла. Ала жети майдал къытхандыла, алай бла Россейни биринчилигине андан жети спортчу къатышырыкъды. 

Каратеде бла къол тюйюшде жетишимле болдургъан спортчуларыбыздан бири Герийланы Русланды. Ол регион, округ, къырал даражалы эришиуледе хорлагъанланы къауумуна дайым киргенлей тургъанды, кёп сермешин болжалдан алгъа да бошагъанды. Бийик усталыгъы, хорламгъа итиниулюгю ахшы эсеплеге да келтиргенди – анга Россейни спортуну устасы деген ат берилгенди.

 Уллу Ата журт урушну ветераны Оразмамбет Койлакаевни хурметине аталып, Дагъыстанда Терекли-Мектебде эркин тутушуудан ачыкъ эришиу бардырылгъанды. 

Бу кюнледе Кахун  элде аскер къол  тутушуудан 115 Кавдивизияны хурметине аталгъан эришиуле ётгендиле. Аны Аскер къол урушну федерациясы, Урван районну администрациясы эм Жаш техниклени  З. Налоев атлы станциясыны аскер-патриот арасы къурап бардыргъандыла.

Грозныйде эркин тутушуудан 18 жыллары толмагъан гёжефлени араларында СКФО-ну биринчилиги бардырылгъанды. Эришиуге Чеченден, Дагъыстандан, Къабарты-Малкъардан, Къарачай-Черкесден, Шимал Осетия-Аланиядан бла Ставрополь крайдан 350-ден аслам спорчту къатышхандыла.

Минскде тхэквондодан Беларусьну ачыкъ чемпионаты бардырылгъанды, анга 2006 жылда эм андан сора туугъан эр кишиле бла тиширыула къатышхандыла.

Россейни бла Къабарты-Малкъарны жыйымдыкъ командаларына кирип, аланы къауумунда 2021-2022 жыллада битеукъырал эм халкъла аралы эришиуледе болдургъан бийик жетишимлери ючюн Тырныаууздан спортчу Ангелина Лазаренко республиканы Спорт министерствосуну сыйлы грамотасы бла саугъаланнганды.

Назраньда джиу-джитсудан эришиу бардырылгъанды. Анда тренер Залим Пшуковда жарау этген жашчыкъла алчы жерлени алгъандыла.

Ара шахарда регбиден Москваны кубогу бардырылгъанды, анга жети команда къатышханды.

Калининградны «АВТОТОР-Арена» саулукъ-кючлеу арасында единоборстволадан биринчи битеукъырал фестиваль къуралгъанды. Анга къыркъдан аслам региондан 18 жыллары толмагъан 450 гёжеф къатышхандыла.