Дагъыстандан – хорламла, сыйлы саугъала бла

 Уллу Ата журт урушну ветераны Оразмамбет Койлакаевни хурметине аталып, Дагъыстанда Терекли-Мектебде эркин тутушуудан ачыкъ эришиу бардырылгъанды. Анга аслам умутландыргъан жаш гёжеф къатышхандыла, хорлагъанлагъа аслам сыйлы саугъа берилгенди, турнир саулай да бийик даражада къуралгъанды.

Анда «Хасания» клубубузну келечилери жетишимли болгъандыла: алтын майдалны Гадийланы Малик (36 кг.) къытханды, «кюмюшню» уа – Анахаланы Рашит (36 кг.). Ала экиси да финалда ариу сермешле кёргюзтгенлерин да белгилерчады.