Политика

«Тахта кёгетчиликни эм картоф ёсдюрюуню айнытыу» федерал проектни чеклеринде къыралны жанындан субсидияланы гитче эм орталыкъ  предприятияла алыргъа боллукъдула.

КъМР-ни Башчысы Казбек Коков Пенсия фондну Къабарты-Малкъар Республикада бёлюмюню таматасы Николай Баков бла ишчи тюбешиу бардыргъанды.   Анда къырал социал политиканы бардырыу бла байламлы  эм инсанланы тюрлю-тюрлю категорияларына социал  тёлеулени бериуню юсюнден сёлешиннгенди. 

Артыкъ да  сабийлеге сегиз жылдан тебиреп, он жети жыл толгъунчу бериллик тёлеуле къалай этилликлерине  аслам эс бурулгъанды. Къыралны жанындан жангы социал болушлукъ Россейни Президенти Владимир Путинни башламчылыгъы бла бардырылады, деп билдиргендиле республиканы оноучусуну пресс-службасындан.

Къабарты-Малкъар Республиканы Башчысы Казбек Коков Россей Федерацияны Миллет гвардиясыны Шимал-Кавказ округ аскерлерини командующийи генерал-лейтенант Сергей Захаров бла Къабарты-Малкъардан барып энчи аскер операцияны кезиуюнде жан берген аскерчилени жууукъларына аланы къырал саугъаларын бергенди.

  Быйыл урлукъ себиу иш былтырдан эсе теркирек барады. Жерчиликде къармашханлагъа уа къырал асламыракъ болушлукъ этеди. Берилген онгланы, регионлада иш къалай баргъаныны юсюнден РФ-ни Эл мюлк министерствосунда ётген оператив штабны жыйылыуунда сёлешгендиле.

Къабарты-Малкъар Республиканы Башчысы Казбек Коков Россей Федерацияны Къырал советини экономика соруула эм жангы коронавирус жукъгъан аурууну жайылыууна къажау ишчи къауумуну селектор кенгешине къатышханды. Аны къауумну таматасы Сергей Собянин эм Россейни Правительствосуну Председателини биринчи орунбасары Андрей Белоусов бардыргъандыла.

Къабарты-Малкъар Республиканы Башчысы Казбек Коков Донецкде официал жолоучулугъуну чегинде Донецк Халкъ Республиканы Башчысы Денис Пушилин бла тюбешгенди. Аны юсюнден Казбек Коков кесини телеграм-каналында айтханды.

КъМР-ни Башчысы Казбек Коков тапландырыу ишле къалай бардырылгъанлары бла шагъырейленнгенди, ала шёндю Нальчикде Къабарты-Малкъар Республика къуралгъанлы 100-жыллыгъын белгилеуге хазырланыу бла байламлы тамамланадыла. Аны юсюнден республиканы оноучусуну пресс-службасы билдиргенди.

КъМР-ни Башчысы Казбек Коков  Къабарты-Малкъар Республикада Адамны эркинликлери жаны бла уполномоченный Зумакъулланы Борис бла ишчи тюбешиу бардыргъанды. Анда озгъан жылда   инсанланы эркинликлерин къоруулау жаны бла бардырылгъан ишни эм муратларыны юсюнден соруула сюзюлгендиле.

Зумакъулланы Борис белгилегеннге кёре, уполномоченныйни иши къырал власть органла бла къаты байламлыкъда бардырылады.

Къабарты-Малкъар Республиканы Башчысы Казбек Коков КъМР-ни жарыкъландырыу, илму эм жаш тёлюню ишлери жаны бла министри Анзор Езаов бла ишчи тюбешиу къурагъанды. Анда эсеп къырал аттестацияны бардырыу соруула сюзюлгендиле.

Къабарты-Малкъар Республиканы Башчысы Казбек Коков КъМР-ни Предпринимательлерини эркинликлери жаны бла уполномоченный Юрий Афасижев бла ишчи тюбешиу къурагъанды. Ала 2021 жылда тамамланнган ишлени эсеплерине эм келлик заманда планлагъа къарагъандыла.