Къонакъбай юйюр

Миллетибизде иги тёреле сакъланнганлай турадыла. Сёз ючюн, ораза айда тукъумда абадан адамланы жокълау, дин байрамлада аланы алгъышлау да. Байрым ингирде Мамайланы Мухтар бла бирге Барамтада жашагъан акъсакъалыбыз  Мамайланы Хажи-Дауутну кёре бардыкъ.

Хажи-Дауут урушну сабийиди. Атасын тынгылы таныгъан да этмейди, ол Уллу Ата журт урушда къыралын жаудан сакълай,  жигитча жан бергенди. Мамай улу ёмюрюнде  кесини халал къыйынына ышанып, жашай келеди. Ол «КъабМалкъпроект строй» трест  АТУ-да жюк ташыгъан машинада ишлегенди. Республикада къурулушлары баргъан объектлеге раствор, бетон ташыгъанды. Шахарда кёп жашау журт болмаз аны къыйыны кирмеген.

Хажи-Дауут юй бийчеси Лида бла бирге эки жаш, эки къыз ёсдюргендиле. Бюгюнлюкде туудукълагъа къууана жашайдыла. Огъурлу ата бла ана тамата жашлары Муратха къызчыкъ туугъанын, атчыгъына Амелия атагъанларын айтдыла. Бу мёлекчикни къарындашы Рамазанды, (урушда жан берген аппаларыны атын атагъандыла) анга. Орёл шахаргъа каратеден Россейни биринчилиги эришиулеге кетип. Юйюрде таматалагъа шёндю туугъан сабийчикни жилягъаны, аны къарындашы уа жууаплы эришиуледен хорлам бла къайтханы  бир кибик хычыуунду.

Энди кетейик дегенлей, юйюрде бек гитче жаш Даир (Маратны жашы) сабий саддан келди. Абаданладан, сабийледен да тансыгъыбызны алып, Мамайланы къонакъланы сюйген юйлеринден алай кетдик. Хар таулу да былайыракъ этселе, Аллахны сыйлы айында андан уллу сууаплыкъ къайда.