|
Жангылыкъла
5 июня, 2019 - 08:07
Шимал Осетия-Аланияны къырал университетини журналистика эм искусство факультетлерини студентлери «Бизни хорламларыбыз - халкъланы шуёхлукъларындады» деген ат бла Кавказда аскер махтаулукъну шахарларына барып, митингле къурайдыла, эсгертмелеге гюлле саладыла. Бу регионла аралы жаш тёлю медиаэкспедиция 22 майда башланып, озгъан байрым кюн Нальчикде бошалгъанды.
Шимал Кавказда Аскер махтаулукъну тёрт шахары барды: Владикавказ, Нальчик, Малгобек эм Грозный. Ала ол сыйлы атха Уллу Ата журт урушну кезиуюнде немисли фашистлеге къажау къаты сюелгенлери ючюн тийишли болгъандыла.
5 июня, 2019 - 08:05
Долинскде пластика хирургияны бла стоматологияны «Си Мед» илму-практика арасында Сабийлени къоруулауну халкъла аралы кюнюнде къызчыкълагъа бла жашчыкълагъа байрам къурагъандыла. Алагъа оюнла къурап, татлы ашарыкъла, кёгетле бла сыйлагъандан, мультфильмле кёргюзтгенлеринден сора да, хар бирини тишлерине къарап, алыныргъа, бакъдырылыргъа кереклисин да айтхандыла, къалай тазаларгъа боллугъун да оюн халда юйретгендиле. Жилямагъанлагъа уа саугъала, «сыйлы грамотала» да бергендиле.
31 мая, 2019 - 08:12
Шимал Кавказда регионла аралы сеть компанияны (МРСК СК) Ингушетияда, Шимал Осетияда, Къарачай-Черкессияда, Ставрополь крайда эмда Къабарты-Малкъарда бёлюмлерини специалистлерине деп «Каббалкэнергода» онкюнлюк окъутуу курс бардырылгъанды. Анда энергетиклени компания аз-аздан сингдире баргъан «Omni-UtilitieS» деген автоматизацияланнган информациялы системаны хайырланыргъа юйретгендиле.
29 мая, 2019 - 09:00
«Каббалкэнерго» къоранчланы кетерир ючюн тири кюрешгени себепли быйыл биринчи кварталда 1,1 миллиондан артыкъ киловатт-сагъатны аяргъа онг табылгъанды. Ол а Элбрус районну он кюнню, Тёбен Черек элни уа юч айны ток бла жалчытыргъа жетерик эди.
24 мая, 2019 - 08:02
РФ-ни Налогла службасыны Къабарты-Малкъарда бёлюмюнде быйыл биринчи кварталны эсеплерин чыгъаргъандыла. Ведомстводан билдиргенлерича, бу кезиуге 4,8 миллиард сом жыйылгъанды. Аны бла план бла белгиленнген кёрюмдюню 20,2 процентге артыгъы бла толтурургъа къолдан келгенди.
24 мая, 2019 - 08:02
Бу кюнледе Азербайджанны ара шахары – Бакудагъы Экспо Арада аш-азыкъны 25-чи халкъла аралы кёрмючю - WorldFood Azerbaijan 2019 бардырылгъанды. Анга Россейден, Украинадан, Литвадан, Хорватиядан эмда кёп башха къыралладан эки жюзден артыкъ компания бла предприятие къатышхандыла. Миллет стендлерин а бизни къырал, Беларусь, Италия, Турция эм Шри-Ланка хазырлагъан эдиле.
17 мая, 2019 - 09:15
«РусГидро» компанияны Къабарты-Малкъар Республикада бёлюмюнден билдиргенлерине кёре, регионну ГЭС-лери, быйыл жаз башы - жай кезиуде черекле кётюрюлюу кезиуге толу хазыр болгъандыла. Бёлюмню тамата инженерини орунбасары Резуан Ашевни башчылыгъы бла ишлеген комиссия аны бла байламлы актха бу кюнледе къол салгъанды.
17 мая, 2019 - 09:10
Кёп болмай КъМР-ни саулукъ сакълау министри Марат Хубиев жангы республикалы сабий клиника больница (РДКБ) боллукъ мекямда ремонт къалай баргъаны бла шагъырейленнгенди, деп билдиргендиле КъМР-ни Салукъ сакълау министерствосуну пресс-службасындан.
17 мая, 2019 - 09:05
Кёп болмай Май муниципал районну Александровское элинде мал ашла чыгъаргъан «Голдкорм» завод сынау халда ишлеп башлагъанды, деп билдиредиле КъМР-ни Эл мюлк министерствосуну пресс-службасындан.
17 мая, 2019 - 09:00
Пенсия фондну Черек районда управлениясыны башламчылыгъы бла Черек районну Бабугент элини школуну устазларына пенсия системаны, анда бола тургъан тюрлениулени ангылатыу бла байламлы семинар къуралгъанды, аны управленияны ишчилери Башийланы Расул бла Атабийланы Амина бардыргъандыла.
Страницы
|