|
Все статьи
4 сентября, 2020 - 08:59
Алгъын заманлада аурууну хорлар онглары болгъан кёп амаллагъа бусагъатда жараусузлагъача къарайдыла. Бирде уа ала къоркъуулула окъунадыла. Врач-педиатр Евгений Тимаков аналаны бла аммаланы бу жаны бла жангылычларыны юсюнден «Комсомольская правда» газетни корреспондентине хапарлагъан эди. Ол амалланы хайырлылыкъларын, хаталыкъларын къатлап эсигизге салайыкъ.
4 сентября, 2020 - 08:54
Таулу халкъ ёмюрледен бери да малчылыкъ бла кюрешип келеди. Мал тутхан адам а бичен ишлерге керекди. Ол бек къыйын да, жууаплы да ишге саналгъанды таулулада. Андан айтхандыла халкъда кюз бичен ишге «къанлы кюз» деп да.
4 сентября, 2020 - 08:50
Филиппинский тенгизде дунияда эм кёп жашагъан адамланы айрыкамлары барды. Анда Окинава атлы японлу жерчикде жыл санлары жюзден атлагъан беш жюзге жууукъ адам турадыла. Процентлени келтирип айтханда, хар жюз минг инсаннга отуз беш тамата жетеди. Ол а жер башында эм уллу кёрюмдюдю.
4 сентября, 2020 - 08:40
Адам тюшюнде кёрген затла аны мыйысыны солумагъаныны угъай, анга бир тюрлю жумушну толтурургъа неда бир ышаннга эс бурдурургъа кюрешген шартладыла дерни аллында, британлы сомнолог (тюшню тинтген илму) Ян Уоллес отуз жылны ичинде 150 мингден аслам тюшню сюзгенди.
4 сентября, 2020 - 08:38
Диабетден ауругъанланы саны, медицина алгъа баргъанлыкъгъа, айхай да азаймайды. Андан къыйналгъанланы араларында сабийле да аз болмагъанлары уа бютюнда жарсытады. Аны юсюнден тинтиуню «Экспресс газета» бардыргъанды.
4 сентября, 2020 - 08:35
Тау-байыкъландырыучу комбинатха – 80 жыл
1 сентябрьде Тырныауузну вольфрам-молибден комбинаты ишлеп башлагъанлы 80 жыл болады.Къабарты-Малкъарны промышленностуну баш магъаналы предприятиясыны тарыхы анда ишлегенлени урунуу жигерликлери бла байламлыды. Анга уа мингле бла адамла кеслерини къошумчулукъларын этгендиле –шахтёрла,байыкъландырыучула, геологоразведканы бардыргъанла эм башха усталыкъланы келечилери.
4 сентября, 2020 - 08:25
Къарачайны жарыкъ жулдузлары
Къасайланы Осман Къарачай-Черкесни гитче Хурзук элинде туугъанды. Белоруссияны агъачларында партизан полкга башчылыкъ этип алай сермешгенди. Немисли-фашист ууучлаучулагъа къажау кюрешде этген жигитлиги эмда кишилиги ючюн майор Къасайланы Мусаны жашы Осман Совет Союзну Жигити деген атха тийишли болгъанды (ёлгенден сора).
4 сентября, 2020 - 08:20
Къабарты-Малкъарны Эл мюлк кооперация эмда фермерлеге себеплик этиу жаны бла компетенцияланы регион арасы юч миллион сом къоллу болгъанды. Ахчаны асламысы федерал бюджетден берилгенди, аз кесегин а республиканы бюджетинден къошхандыла, деп билдиргендиле республиканы Эл мюлк министерствосундан.
4 сентября, 2020 - 08:15
Битеуроссей халкъ фронтну Къабарты-Малкъарда бёлюмюню келечилери Майский шахарны администрациясына сёлешип, анда орамлада къалгъан-къулгъанла жыйылып тургъан жерлени тазаларгъа, ачылып тургъан къуюланы башларын люкла бла жабаргъа чакъыргъандыла, деп билдиргендиле ОНФ-ни пресс-службасындан.
4 сентября, 2020 - 08:10
Бизни къыралда 2022 жылгъа битеу къырылгъан неда къуруп кетген агъачланы бары да жангыдан къуралыргъа, бу мюлкге от хар жыл сайын салгъан заранны багъасы уа юч кереге азайыргъа (32 миллиард сомдан – 12 миллиардха дери) керекди.
4 сентября, 2020 - 08:05
Жети къыз бир юйюрде туууп, ата–аналары бла бир бир тау элде жашап тургъандыла. Аналары «жети къызым – жети минчагъым» деп къубултуучу эди, юйюрлери къолайлы эди, нек дегенде кече - кюн демей ишлеп, къолларындан келгенни аямай кюрешгендиле.
4 сентября, 2020 - 08:00
Мухажир жангыз кеси жашайды. Андан болур, аны тангы, ингири да бирге ушайдыла. Ма бюгюн да, къалкъыусуз кечесин ашыра, арт кезиуде алай болуп къалгъанды – жукъудан, уяныудан да татыу алгъаны жокъду, къопду да, эшикни кенгнге ачды. Анасы Букъминат алай айтыучу эди: «Эрттенликде Аллах игилик юлешеди. Хар юйге этеди юлюш. Эшигинги ачып тюбемесенг, ол игилик артха айланып кетеди», – деп.
2 сентября, 2020 - 09:30
Тас бола, унутула баргъан бир-бир адет-тёрелерибизни, тарыхыбызны аз юзюгюн окъуна туурагъа чыгъарыргъа кёл салып кюрешген адамларыбызгъа бек уллу хурмет этерге, аланы сёзлерин багъалай билирге хар бирибиз да борчлубуз. Малкъар, къарачай халкъ эрттеден бери тау тарлада жашагъанларына сейирлик хапарларыбыз, жомакъларыбыз, жырларыбыз, фольклорубуз да толу шагъатдыла.
2 сентября, 2020 - 09:05
Стратегия башламчылыкъла жаны бла агентствону экспертлерини оюмуна кёре, беш жылдан информация технологияла экономиканы иги кесегин бийлерикдиле. Ол заманда уа эм биринчиден кадрлагъа билимли «айтишникле» изленирикдиле. Электрон амалланы кенг хайырланалмагъан предприятияла конкуренциягъа чыдаяллыкъ тюйюлдюле, ол санда жангы технологияладан узакъ таматала да жерлерин тас этерчадыла деп билдириледи КъМКъУ-ну пресс-службасындан.
2 сентября, 2020 - 09:05
Эфендиланы Василийни къызы Лейля Санкт-Петербургда Киров атлы Аскер-медицина академияны Офтальмологиядан бёлюмюнде ординатураны ётеди. Кёз врачланы хазырлауда бу учреждение Россейде биринчи, битеу дунияда уа экинчи жерни алады. Ары дери жаш специалист Къабарты-Малкъар къырал университетни Медицина факультутетин, аны ызындан а Ставрополь шахарда интернатураны жетишимли бошагъанды. Бюгюн ол бизни ушакъ нёгерибизди.
2 сентября, 2020 - 08:40
Озгъан ёмюрню токъсанынчы жылларында «Ачемез» атлы жаш тёлю араны башчысы болгъан кезиуюнде бюгюнлюкде белгили тренер Герийланы Хусей аскер къол тюйюш (АРБ) бла жетишимли кюрешгенди, сабийлени да юйретгенди. Он жыл озгъандан сора, 2002 жылда, ол Бабугент элде спортну бу тюрлюсюнден бёлюм ачханды. Ол кезиуде Герий улу жарау этдирген жашчыкъла хорламла келтирирле деп ышаннганлыкъгъа, аланы тынгылы не спорт заллары, не башха кереклери болмагъанды. Алай уллу итиниулюк, сабийлени юйретирге талпыныу а жете эдиле.
2 сентября, 2020 - 08:19
Къабарты-Малкъарны Эл мюлк министерствосундан билдиргенлерича, ведомство Май районну эл мюлкде уруннган предприятияларына дайым ахча бла болушлукъ тапдыргъанлай турады. Ол шарт саулай бёлюмню айнытыуда да уллу къошумчулукъ этеди, деп билдириледи ведомствону пресс-службасындан.
2 сентября, 2020 - 08:19
Жетишимли болууну юсюнден кеп китапла жазылгъандыла, тинтиуле бардырылгъандыла. Алай алада баш магъаналы соруугъа жууап берилмейди. Аны сылтаууу да бошду – алчылыкъны бир-тюрлю жашырынлыгъы жокъду. Аллай оюмну «Большая восьмерка» китапны автору, кёп айтхылыкъ адамланы къатышыулары бла этилген тинтиуню башламчысы Ричард Сент-Джон этеди.
2 сентября, 2020 - 08:19
Белгилисича,йод адамны саулугъуна бек керекли элементледен бириди. Аны юсюнден Огъары Малкъарда больницаны баш врачы Чаналаны Аслижан бла ушакъ этгенбиз.
2 сентября, 2020 - 08:19
Шауаланы Молланы къызы Зухура. Аны юсюнден дуниягъа айтырыгъым келеди. Атасы Молланы юсюнден эрттеден да биле эдим. Билмей а?! Кязимни «Сары къош» деген, жашау кертиликден жаратылгъан поэмасында Молла баш жигитледен бириди. Кязимни Молланы къыйын сагъатда сыналгъан кишилигине, эрлигине аталгъан сёзю, къысха болса да, къанатлыды:
Страницы
|